2 KAWRINI 7:10 - Mara Bible RV (BSI)

¹⁰ Khazohpa liata pachârôhna cha, pachha châ nawpa ta rona tlôkhei ta, angiapachhina y vei. Khizaw pachârôhna deikua cha, thina a tlôkhei tyh.

2 KAWRINI 7:10 ပူးပေါင်းရင်းမြစ်များ

ÂTHAONA 30:1

Râkheli ta Zakaw châta saw a sapa leipa â pahno nahta, a narônô cha uahva kaw ta. Zakaw hnohta, “Saw na pie teh, chataleipatala ei thi aw,” tah ta.

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

2 SAMUELA 13:4

Amanaw hnohta, “Aw, nâ abei sawchapawpa pi tlai chi ta, kheihtazieta ma my chareih ta palôh rietheipa ta na y thlâh haw? Na chho aw va chi ma?” tah ta. Amanaw ta a hnohta, “Ei unawhpa Absalaw sietanô Tâmâri ei khoh kawpa vâta a châ,” tah ta.

2 SAMUELA 17:23

Ahitôphe cha ano ryhraona hawhta taopa a châ leipa a pahno nahta, alâ ky padia ta, pua ta, ano khih liata a o lâ sie ha ta. A chhôhkha khihsatôhtuna paryh ta, a paaosao ta, thi ta, a paw thlâ liata ama pabu haw.

1 ABEIZY 21:4

Zezari chyhsa Nâbô ta cha hawhpa bie a hnohta a reipa vâna chata, Ahabâ cha pachâchhie ngaitapa nata palôh châ lei ngaitapa ta a o la a di ta. Nâbô ta, “Nâ pathlatuhpazy ryu cha pie thei aw va na,” khâchâ tah ha tlôh ta. Chatanachata a rakhô liata a zia ta, hiakha lâ a heih ta, pati rai nie khoh khao leipa ta.

HLAZY 38:18

Ei paraona palâhâh na ta, Ei moleina vâta pei ei tah ngaita.

BIESOZY 15:13

Palôh thaphapa ta hmia alyna tao ta, Palôh vâsâhna deikua cha thlahpa hro tha a pachhâ tyh.

BIESOZY 15:15

Dyhchhiepa châta cha noh zydua a pha leipa sai châ ta, Palôhtlâh a paohpa châta deikua cha kyhchhi â zao thlâh haw.

BIESOZY 17:22

Palôh thaphapa cha thohna phapa châ ta, Palôh pasapa deikua cha ruzy a pahi tyh.

BIESOZY 18:14

Palôh thatlôpa cha pasana tao thei ta, Palôh hmahphaopa deikua cha ahy ma a tao thei aw?

BIECHHOTUHPA 7:3

Hmiaphao pachârôhna ta palôh lyna a taopa vâta, Pachârôhpa cha pahneipa hlâta a pha via.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

EZEKIA 7:16

Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

ZAWNA 3:8

Chyhsa chhao, sahroh chhao, latho poh a bu khai ei sala, Khazohpa cha thata pado mawh ei sy. Chyhsa to ama moleina lâpi tawhta kua ei sala, ama ku liata thachahra hmâna a ypa tawhta kua mawh ei sy.

ZAWNA 4:9

Khazohpa ta Zawna hnohta, “Titheih zôh kyh ta na hiehâhna he â do ma?” tah ta. Zawna ta, “Ei hiehâhna he â do na, thi theina taihta na ei hie a hâh,” tah ta.

MATHAI 26:75

Zisu ta, “Awh kho hlâta ei thôh einâ paphasai aw chi,” a tahpa kha, Pity ta a thei ta. Pua ta, aoh tlili ta cha ta.

LUKA 15:10

Ei cha chho ei, cha hawhna hra chata, Khazohpa vâlyuhchâpazy hmiakô liata cha, molei ropa pakha chô liata alyna a y tyh?” tah ta.

LUKA 18:13

Chhiekheituhpa deikua cha, lâhlapi ta a duah ta, avâ lâ chhao ua ngâh leipa ta, a chachôhna a chô ta, ‘Khazohpa y, kei moleipa he na ngiachhie mah y,’ tah ta.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

2 KAWRINI 12:21

Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

2 KAWRINI 7:9

Tahmâ la ei ly kaw, pachâ parôhsapa ta nama ypa vâta châ leipa ta, ro awpa ta pachâ parôhsapa vâta a châ. Khazohpa liata pachârôhna namâ tyhpa châ ta, keimo vâta khâpa hmah pahlei veih ei chi.

HEBRAI 12:17

Cha khai tawhta byhnâ to awpa khoh ta, mothlih chhaota a hiapa chhao ta, ro nawpa daihti rypaohpa a hmô khao leipa vâta, dythapa a châpa kha nama pahno.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.