2 KAWRINI 7:1 - Mara Bible RV (BSI)

¹ Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

2 KAWRINI 7:1 ပူးပေါင်းရင်းမြစ်များ

2 THÂTIHZYRONA 19:9

Ama hnohta, “Abeipa china chôta, ngâchhihpa nata pathipalôh tlokhuh ta ryu nama reih awpa a châ.

HLAZY 119:9

Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

HLAZY 19:9

Abeipa china cha pathaih ta, Chhâzaw châta â daih; Abeipa ryureina cha hmeiseih ta, A sia paki.

HLAZY 51:10

Hy Khazohpa, palôh pathaihpa kei liata paysa la, Pachâna dopa ei chhôh liata pathieh heih mah y.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 20:9

“Ei palôh pathaihsa ha na ta, Ei moleina tawhta ei pathaih haw,” Ahy ma a tah thei tly?

BIESOZY 30:12

Âmo mokhaoh liata pathaih â tah kawpazy y ei ta, Châhrasala ama puana pathaipa châ hlei veih ei.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

BIECHHOTUHPA 11:10

Pachârôhna na palôh tawhta pahlei la, hmo chhiepa na pôhpa tawhta hnei ha mah y. Thyutlia daihti nata locho no chhao he hrao­leipa deita a châ.

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

THEIHTHAINA 13:58

Chysia tlyma, thaitôh tlyma, thaipheih tlyma, savo ta taopa hmobaoh tlyma, na pasi khai tawhta hri ta a paisai khiahta cha, a einona ta pasi heih awpa châ ta, chatanachata a vaw pathaih aw.”

MATHAI 12:33

“Tho phapa cha a thei pha ta, tho chhiepa cha a thei a chhie. Tho cha a thei tawhta pahnopa a châ.

MATHAI 5:48

Nama Paw avâ liata a ypa a sia pakipa hawhta, nâmo chhao nama sia paki awpa a châ.

MATHAI 5:8

“Palôh pathaihpazy ama nohlao na, Khazohpa ama hmô awpa vâta.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

RAWMA 5:20

Moleina pôh nawpa ta ryhpa vaw y ta, châhrasala moleina a pôhna lia maihta ngiachhiena a pôh via rili.

1 KAWRINI 6:20

mâ ta chaleipa nama châ haw. Chavâta Khazohpa cha nama pôhpa liata palyupalih teh u.

2 KAWRINI 1:20

Khazohpa bietai zydua cha Krista liata, “A châ” tahpa ta â vaw ki khai haw. Chavâta ano moh ta nata ano rônah nawpa ta, Khazohpa lâ Amen eima tah tyh.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

1 THYSALAWNIKA 4:7

Apuapa ta y awpa ta Khazohpa ta miah aw leipa ta, pathaih awpa ta miah a aw.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

HEBRAI 12:28

Chatanachata khinarâh a chalyu thei leipa eima topa vâna heta, alyna châh pahno sih la, a pyh tlâhpa achhyna cha, china nata zana chôta Khazohpa lâ hlâ ei suh u,

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

HEBRAI 6:9

Châhrasala kho ngaitapa saih u, cha hawhta reih hra sih la, nâmo kyh liata la, hmo pha viapa, pachhana kyh hmozy nama tao aw tahpa eimâ lôh.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.

1 PITY 1:15

Châ awtuhpa ei a pathaihpa hawhta, nâmo chhao nama yzie zydua liata pathaihpa ta y teh u.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

1 ZAWHÂNA 1:9

Eima moleinazy palâhâh sih la, reihpha eima chei khiahta cha, eima moleinazy a ngiahthai awpa nata eima sialeina zydua pasia awpa ta, ano cha ngâchhihpa nata a siapa a châ.

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.