2 KAWRINI 6:8 - Mara Bible RV (BSI)

⁸ rônahna nata nozana liata zy, reipachhiena nata reithaina liata zy, modypa ta eima y tyh. Chyhsa dopa châ pi ta, châhrasala chyhsa dôvei thaipa hawhta miah ama pachâ.

2 KAWRINI 6:8 ပူးပေါင်းရင်းမြစ်များ

MATHAI 10:25

Pachupa cha ano pachutuhpa a lyupa a daih ta, sei ta a zibeipa a lyupa â daih. O hneituhpa hmahta Belzebu ama tah khiahta cha, a chhôhkhazy chhochhi cha khatlu ta ma ama reipachhie via aw tly!

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 27:63

a hnohta, “Pâpuh, kha dôtuhpa khata a hro nota, ‘Noh thôh khai tawhta ei thyu heih aw,’ a tahpa eimâ thei thlâh haw.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

ZAWHÂNA 7:12

Ano kyh liata zawpi a chiaburâh hôlô ei ta. Thokha ta, “Chyhsa phapa a châ,” tah ei ta, thokha ta, “Châ bao va, zawpi a siekheichheipa a châ,” tah ei ta.

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 16:39

Vawh ei ta, reihpha cheih ei ta, papua ei ta, khihpi puasai awpa ta a haw ei ta.

HMOTAOPAZY 22:12

“Cha liata chyhsa pakha, Anania ama tahpa y ta. Ano cha ryhpa bie hawhta Khazohpa a pachâpa nata cha liata Zu chyhsa a ypa zydua ta ama reithaipa a châ.

HMOTAOPAZY 24:5

He chyhsa he tymâna a taotuhpa, khizaw liata Zu chyhsa zydua a patypahreituhpa nata Nâzari py liata ama hyutuh chaipa pakha a châpa ta eima pahno.

HMOTAOPAZY 28:22

Châhrasala he py he su to liata reipachhiepa châ tlôh ei ta, nâma ta kheihta ma na pachâ tahpa pahno eima khoh,” tah ei ta.

HMOTAOPAZY 4:21

Hmonoâhpa a tlôpa vâta, chyhsa zydua ta Khazohpa reithai ei ta, zawpizy vâna chata hrie ngâh khao leipa ei ta, pachhipary via heih ei ta, ama pathlie haw.

HMOTAOPAZY 5:13

Ama hry liata a pahlao ngâh leipa y hra ei sala, zawpi ta âmo cha pasâhsa ngaita ei ta.

HMOTAOPAZY 6:3

Chavâta unawh saih u, nama hry liata Thlahpa nata sona ta a biepa, chyhsa moh phapa pasari a tlyh teh u, cha hmozy a pachâtuhpa châta âmo cha eima rao aw.

RAWMA 3:8

Chyhsa thokha ta, “‘Hmo phapa a vaw pua thei nawpa ta, hmo moleipa tao ei suh u,’ ama tah na,” tahpa ta â doleipa ta miah ama baipa hawhna khata eima tao thlâh ha aw ma? Cha hawhpa chyhsazy cha thailei a châ awpa rai ama châ.

2 KAWRINI 1:18

Khazohpa ngâ â chhihpa hawhta, nâmo lâta eima bie chhao, a châh ta “A châ” tah ta, a châh ta “Châ vei” tahpa hawhpa châ vei.

2 KAWRINI 11:21

He kyh liata, keimo la eima chiehlei kaw, a phih va na, ei no chhao a za kaw. Châhrasala chyhsa ta â palaikhei ngâhpa maih cha, ahrupa bie rei ta reih aw sah la, kei chhao ta ei palaikhei ngâh hra.

2 KAWRINI 12:16

Nama phao ei cha pahri leipa kyh liata, chyhsa pasi nawpa tluapa ta, piehpiena ta hmo a taopa hawhta eina pachâ ei chi.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

1 THYSALAWNIKA 2:3

Eima châ hawna kha haiphiana bie tlyma, palôh pathaih leipa tawhta bie a puapa tlyma châ leipa ta, dôvei eima châ chhuahpa châ hra vei.

1 TIMAWTHY 3:7

Cha dei châ vei, khôtho chyhsazy lia chhao ta moh phapa a châ awpa a châ. Chataleipatala reipachhiepa ta y aw ta, ahripa khoheih liata â ao pathlei aw.

1 TIMAWTHY 4:10

Khazohpa hrohpa liata eima hnabeiseihna eima sopa vâta, hriapasa pi ta, eima tei lylia. Ano cha chyhsa zydua Pachhatuhpa châ ta, ano ngiapâtuhpazy Pachhatuhpa a châ pachai.

HEBRAI 13:13

Chavâta riehmo khôtho liata ano yna lâ pua sih la, reipachhiena a phaopazy cha phaokhei suh u.

1 PITY 4:14

Krista moh vâta pasipasawhpa nama châ khiahta cha, rônahna Thlahpa nata Khazohpa Thlahpa cha nama chô liata y ta, chavâta nama nohlao aw.

3 ZAWHÂNA 1:12

Demetia cha chyhsa to palyupalihna hlao ta, biehmeiseihpa chhao ta a palyupalih. Keimo chhao ta palyupalih pi ta, keimo palyupalihna cha â do tahpa na pahno.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.