2 KAWRINI 6:6 - Mara Bible RV (BSI)

⁶ hro pathaihna liata zy, pahnona liata zy, daotheina liata zy, nôphana liata zy, Thlahpa Pathaihpa liata zy, kyhpachâna hmeiseihpa liata zy;

2 KAWRINI 6:6 ပူးပေါင်းရင်းမြစ်များ

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

RAWMA 12:9

Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

1 KAWRINI 12:8

Chyhsa pakha hnohta Thlahpa liata sona bie piepa châ ta, chyhsa hropa hnohta Thlahpa lia lilaw ta pahnona bie piepa a châ.

1 KAWRINI 13:4

Kyhpachâna cha dao thei ta, a nô a pha. Kyhpachâna cha a hiatlia leipa ta, anosasyh ta a reithai vei. Kyhpachâna cha a palai leipa ta,

1 KAWRINI 2:16

“Ahy ma Abeipa palôh pahno ta, ano cha a pachu thei aw?” Keimo deikua la Krista palôh eima phaoh.

1 KAWRINI 2:4

Ei biereipa nata ei biechhopazy kha, chyhsa sona hmâpa ta pahnie a chhuahpa biezy châ leipa ta, Thlahpa nata hmotaotheina palâsapa ta ei reih tyhpa a châ.

2 KAWRINI 1:23

Nâ pahnokheituhpa châta Khazohpa ei aw. Nâmo cha patypamâ awpa ei khoh leipa vâta Kawrini khih lâ kha ei vy leipa a châ.

2 KAWRINI 11:11

Khâpa vâta maw? Kyh ei cha pachâ leipa vâ ei ta ma? Khazohpa ta a pahno!

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

2 KAWRINI 11:6

Bie reih thai vei hraw sah la, pahnona liata nawh hlei va na. Cha kyh cha hmo to nata kao to tawhta nama hnohta eima palâsa haw.

2 KAWRINI 12:15

Kei la a ly ngaitapa ta nama thlahpa châta ei hneinazy hmâh a chhuah na ta, ei pôhpa chhao nama thlahpa châta hmâh khai ei chhuah. Thata kyh cha pachâ ei na ta, a chyhta chhâ kyh na pachâ hra aw veih ei chi ma?

2 KAWRINI 13:10

Cha vâna chata nama hnohta ei y vei nota, he biezy he ei ropa a châ. Chatanachata ei vy tita, Abeipa ta biehneina eina piepa ei hmâna kyh liata, pasa kawpa ta hmâh leipa ta ei y thei aw. Parao nawpa châta châ leipa ta, padua nawpa châta Abeipa ta biehneina eina pie.

2 KAWRINI 2:10

Namâ ngiahthaipa maih kei chhao ei ngiahthai hra aw. Ei ngiahthai khiahta cha, nâmo vâta Krista hmiakô liata ei ngiahthaipa a châ.

2 KAWRINI 2:4

Thlazoh ngaitapa nata palôh rietheipa nata mothlih hluhpi tlana chôta nama hnohta ei vaw ropa a châ. Nama palôh pasasa nawpa châ leipa ta, nama kyh ei cha pachâ ngaitanazie nama pahno thei nawpa ta ei ropa a châ.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

2 KAWRINI 7:2

Nama palôh liata su miah pie teh u. Ahy pei hmah hria leipa pi ta, ahy hmah parao leipa pi ta, ahy hmah dôvei beih ma pi.

KALATIA 3:2

He deita he nâmo tawhta pahno awpa ei khoh: Ryhpa hmotaopazy vâta ma Thlahpa nama to, nama theipa namâ ngiapâpa vâta maw?

KALATIA 3:5

Nama hnohta Thlahpa châ pietuhpa nata nama hry liata hmonoâhpa taotuhpa ta, ryhpa hmotaopazy vâta ma chazy cha a tao? Thei ei chi ta namâ ngiapâ vâta maw?

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 3:4

Kha châpaphaopa kha nama reih khiahta cha, Krista bienyupa ei pahnozie nama pahno thei aw.

EPHESI 4:2

Tlokhuh apanawhna, areisina nata daotheina zy hneipa ta, kyhpachâna ta a chhyh thai raihrie u la,

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 2:3

Sona nata pahnona hneirôna zydua Krista liata nyupa a châ.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.

1 TIMAWTHY 4:12

Thyutliapa na châpa vâta ahy hmahta cha mohnao khah ei sy. Bie rei kyh liata zy, yzie kyh liata zy, kyhpachâna kyh liata zy, ngiapâna nata pathaihna kyhzy liata ngiapâtuhpazy a mopâ awpa ta tlao y mah y.

1 TIMAWTHY 5:2

Nôhrâhpazy nô hawhta moh la, chanô thyutliazy cha sietanôzy hawhta pathaih kawpa ta moh mah y.

2 TIMAWTHY 3:10

Nâ deikua cha, ei pachuna, ei yzie, ei hmochhuahpa, ei ngiapâna, ei daotheina, ei kyhpachâna nata tiamana zy pahno chi ta,

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

TITU 2:7

Kyh to liata hmo pha taona liata a mopâ awpa ta y la, na pachuna liata adona nata zachhihna palâsa mah y.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 ZAWHÂNA 3:18

Sawzy saih u, bie nata reikah deita ta kyh a pachâ leipa sih la, hmotaopa nata biehmeiseihpa ta kyh a pachâ ei suh u.

RYUREITUHPAZY 16:15

Delilâ ta a hnohta, “Kheihta ma, ‘Kyh ei cha pachâ’, na tah thei tly, na palôh keima liata a y leipa pi tlai ta? Ei thôh dua eina dôvei ha chi, na thatlôna rônahpa khâpa liata tlai ma a y tahpa na chho to va chi,” tah ta.