2 KAWRINI 6:17 - Mara Bible RV (BSI)

¹⁷ “Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

2 KAWRINI 6:17 ပူးပေါင်းရင်းမြစ်များ

EZRÂ 10:11

Chavâta tahmâ Abeipa, châ pathlatuhpazy Khazohpa liata nama moleinazy palâhâhpa ta reihpha cheih u la, a khopa tao u la, he râh liata a pahrâpa phopizy nata chihropa lapinô ta nama hneipazy tawhta a panano teh u,” tah ta.

EZRÂ 6:21

Atheihna sa cha seichâna tawhta a vaw kuapa Izarei sawzy ta nie ei ta, Izarei râh liata a vaw pahrâpa phopizy pathaih leina tawhta a pananopa ta Abeipa Izarei Khazohpa a chhy awpa ta âmo a pazaopa maihta nie hra ei ta.

BIESOZY 9:6

Hruna hrozy siesaipa ta hrona hnei la, Novâhna lâpi a chhih mah y,” a tah.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

ZEREMIAH 15:17

Haosai a taopazy hry liata a tyuh leipa na ta, Haosai liata a ly hra va na. Ei chô liata na ku y ta, Ruchhôna ta eina pabiepa vâ chi ta, Kei dei ta tlâ ei tyuh tyh.

ZEREMIAH 51:6

“Babylaw khih chhôh tawhta a râ u la, Chyhsa to ama hrona pabohsa mawh ei sy! Babylaw moleina vâta leidia khah u; He he Abeipa phuh lana daihti châ ta, Babylaw viari a thôna daihti a châ hih.

MALUHREINA 16:21

“Kha zawpi hry tawhna khata a panano teh u, âmo kha thlai ei pahleipadia aw ei,” tah ta.

MALUHREINA 16:26

Zawpi hnohta, “He chyhsa moleipazy poh o tawhna heta pua teh u. Ama hneipa chhao khâpa hmah hria khuh vy. Chataleipatala ama moleina zydua vâta pahleipadiapa nama châ pathlei aw,” tah ta.

MALUHREINA 16:45

“Zawpizy he thlai ei pahleipadia aw ei. Chavâta ama hry tawhta a hnei teh u,” tah ta. Chatawhcha Mawsi nata Arawna cha â khu lâta pao ei ta.

HMOTAOPAZY 2:40

Bie hropa hluhpi ta Zisu cha a châhkhei lymâpa ta zawpizy cha pasyu ta, ama hnohta, “He chhâ moleipa tawhna heta a pabohsa teh u,” tah ta.

RAWMA 15:7

Chavâta Khazohpa rônah nawpa ta Krista ta a châ pyhpa hawh ei ta, nâmo chhao a pyh raihrie teh u.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

RYHPACHANEINA 14:6

Sa to a chakie pachiah ta miano ta â pachhaihpa maih nata thie a chaeihpa maih nama nie thei aw.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.