2 KAWRINI 6:16 - Mara Bible RV (BSI)

¹⁶ Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

2 KAWRINI 6:16 ပူးပေါင်းရင်းမြစ်များ

1 ABEIZY 18:21

Elaizâh ta zawpi cha a kei hnia ta, ama hnohta, “Pachâna miano likah liata khachâ ma noraihpa ta nama y chy aw? Abeipa cha Khazohpa a châ khiahta cha, ano cha pazi u la, Bâlâ cha Khazohpa a châ khiahta cha, ano cha pazi muh vy,” tah ta. Zawpizy ta kawh kha hmahta a chhy leipa ei ta.

HLAZY 90:1

Abeipa, nâ cha chhâ zydua ta, Eima pahrâna na châ.

PUASAINA 20:3

“Keima leipa ta khazoh hropazy na hnei awpa châ vei.

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

PUASAINA 25:8

Supathaihpa na taopa mawh ei sy, chatanachata ama hry liata ei pahrâ aw.

PUASAINA 29:45

Izarei sawzy hry liata pahrâ aw na ta, ama Khazohpa ei châ aw.

PUASAINA 34:14

Khazoh hropa rai namâ chhy awpa châ vei. Abeipa cha a moh Hiatlia châ ta, a hiatlia pasa kawpa Khazohpa a châ.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 31:1

“Cha daihti liata, kei he Izarei pho zydua châta Khazohpa cha aw na ta, âmo cha ei phopi ama châ aw,” Abeipa ta a tah.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 32:38

Ei phopi châ aw ei ta, kei ama Khazohpa ei châ aw.

EZEKIA 11:20

Chatanachata ei bieraopazy a chhih aw ei ta, ei ryhpazy a vaopa ta ama zyh aw. Ei phopi châ aw ei ta, kei ama Khazohpa ei châ aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

EZEKIA 36:28

Châ pathlatuhpazy hnohta râh ei piepa liata pahrâ aw ei chi ta, ei phopi châ aw ei chi ta, nama Khazohpa ei châ aw.

EZEKIA 43:7

Ei hnohta, “Chyhsa sawchapawpa y, he su he ei beidyuchhai y nawpa nata ei pheipazah tly nawpa su châ ta, Izarei sawzy hry liata chhâzaw ta ei pahrâ nawpa su a châ hih. Chatanachata ei moh pathaihpa cha, Izarei pathlazy ta papuapalei khao aw veih ei. Âmo nata ama beizy ta ama sihryhna ta papuapalei khao leipa aw ei ta, ama su sâhpazy liata ama beizy ri pabupa ta papuapalei khao aw veih ei.

EZEKIA 43:9

Tahmâ tawhta deikua cha, ama sihryhna nata ama beizy ri cha, kei tawhta â hlapi ta soh ei sala, ama hry liata chhâzaw ta ei pahrâ aw.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

HÔSIA 2:23

Cha chanô cha, Ei châta alei liata loh aw na ta, Lôruhâmâ cha ‘Ei kyhpachâpa’ ei tah aw; Lôami chhao ‘Ei phopi na châ’ tah aw na ta, Ano ta, ‘Ei Khazohpa na châ’ eina tah aw.”

THEIHTHAINA 26:12

Nama hry liata y aw na ta, nama Khazohpa châ aw na ta, ei phopi nama châ aw.

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

ZEKARIA 8:8

Zerusale liah liata pahrâ awpa ta ei vaw chhi heih aw ei. Ei phopi châ aw ei ta, kei ama Khazohpa ei châ aw, ama Khazohpa ngâchhihpa nata siapa ei châ aw.”

MATHAI 16:16

Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

LUKA 5:36

Zisu ta ama hnohta he pakhona bie chhao he reih ta, “Ahy hmahta pohthâ thiehpa hriepa ta, chysia parohpa liata baithla beih veih ei. Cha hawhta ama tao khiahta cha, pohthâ thiehpa ta chysia parohpa cha parao aw ta, pohthâ thiehpa nata chysia parohpa cha a hmie aw vei.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 6:56

Ahy rai ei sapa nie ta, ei thisaih a dohpa cha, keima liata a y thlâh ha tyh, kei chhao ano liata ei y thlâh ha tyh.

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

RAWMA 8:9

Châhrasala Khazohpa Thlahpa nâmo liata a y khiahta cha, sapa ta a ypa châ leipa ei chi ta, Thlahpa ta a ypa tlao nama châ. Ahy rai Krista Thlahpa a hnei leipa cha ano chyhsa châ vei.

RAWMA 9:26

“‘Ei phopi châ veih ei chi,’ a tahna su liata, ‘Khazohpa hroh sawzy,’ bipa ama châ aw.”

1 KAWRINI 10:21

Abeipa nyu nata ahripa nyu doh pakaoh thei veih ei chi. Abeipa tlâhkhai nata ahripa tlâhkhai dôh pakaoh thei hra veih ei chi.

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

EPHESI 2:20

Krista Zisu cha a ki liata alô peimawh chaipa châ ta, lyuhchâpazy nata hrohsopazy lôbôpa chô liata sapa nama châ.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

RYHPACHANEINA 5:7

“Keima leipa ta khazoh hropazy na hnei awpa châ vei.

1 TIMAWTHY 3:15

vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.

2 TIMAWTHY 1:14

Keimo liata a pahrâpa Thlahpa Pathaihpa hmâpa ta, na hnohta pavaosapa hmo phapa kha vaih mah y.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.

ZÂMIE 4:5

Biehrai ta, “Keimo liata pahrâ awpa ta a taopa thlahpa cha tlaichhai ta a hiatlia ngaita,” a tahpa he achhuahna y leipa ta a reipa a châ na ta nama pangiasa ma?

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 ZAWHÂNA 4:12

Ahy hmahta Khazohpa hmô beih veih ei. Kyh eimâ pachâ raihrie khiahta cha, Khazohpa cha keimo liata pahrâ aw ta, a kyhpachâna cha keimo liata pakipa ta a y aw.

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.

BIEPHUAH 2:1

“Ephesi Awnanopa vâlyuhchâpa hnohta hetana heta roh teh: ‘A ku chachâh lâta awhsi miasari chaba ta, ngôh meiôh patyuna miasarizy hry liata a hlai ngâpa khata he biezy he a reih.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.