2 KAWRINI 6:14 - Mara Bible RV (BSI)

¹⁴ Ngiapâleipazy nata raopaky a ky khoh khuh vy. Siana nata moleina ta khâpa a hly theipa ama hnei? Khaihna nata zohna ta khâpa akaona ama hnei?

2 KAWRINI 6:14 ပူးပေါင်းရင်းမြစ်များ

ÂTHAONA 24:3

Lei nata vâ Khazohpa Abeipa moh ta bie cha pataihsa awpa ei khoh. Ei sawchapawpa lapinô châta ei pahrâna Kâna zuah na hiapa awpa châ vei.

1 ABEIZY 18:21

Elaizâh ta zawpi cha a kei hnia ta, ama hnohta, “Pachâna miano likah liata khachâ ma noraihpa ta nama y chy aw? Abeipa cha Khazohpa a châ khiahta cha, ano cha pazi u la, Bâlâ cha Khazohpa a châ khiahta cha, ano cha pazi muh vy,” tah ta. Zawpizy ta kawh kha hmahta a chhy leipa ei ta.

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

EZRÂ 10:19

âmo chata ama lapinôzy a chhaih awpa ta bie a taih ei ta, ama thaileichâna atheihna hlâna châta mietaku zaw tawhta mietaku tôhpa pô kha ama hlâ.

HLAZY 106:35

Râh hropazy nata a pahlao ei ta, Ama hmotaozie hâ amâ la.

HLAZY 119:63

Kei cha nâma châ chituhpa zydua viasa châ na ta, Na pachuna bie a zyhpazy viasa ei châ.

HLAZY 16:3

Alei liata mopathaihpazy he, Chyhsa pha patluapazy châ ei ta, Âmo cha ei lyna chaipa ama châ tyh.

PUASAINA 34:16

Cha leipa chhao ta, nama sawchapawzy châta ama sawchanôzy hnei aw ei chi ta, ama sawchanôzy ta ama khazohzy liata sihryh aw ei ta, nama sawchapawzy chhao ama khazohzy liata ama pasihryhsa pathlei aw.

BIESOZY 22:24

Hiehâh naopa chyhsa a viasa leipa la, Pathichhiepa chyhsa chhao a pakyh khah y.

BIESOZY 29:27

Chyhsa doleipa cha mosiapa châta pasichhihpa châ ta, Chyhsa dopa chhao moleipa châta pasichhihpa a châ hra.

THEIHTHAINA 19:19

“Ei bieraopazy na zyh awpa a châ. Sahroh chi hropa nata chi hropa chi na pathlasa awpa châ leipa ta, na lyu liata chi miano na chei pakaoh awpa châ hra leipa ta, pala chihropa miano sa pahlaopa chysia nâ tobi awpa châ vei.

MALAKHAI 2:11

Zudâh ta ngâchhihna pahlei ha ta, Izarei nata Zerusale liata hmo pasichhihpazy taopa a châ. Zudâh ta chihropa khazoh sawchanôzy lapinô ta hnei ta, Abeipa ta a pasô ngaitapa a supathaihpa cha a papuapalei haw.

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

HMOTAOPAZY 4:23

Ama pathlie nahta, Pity nata Zawhâna cha ama viasazy lâ vawh ei ta, theihthai beizy nata machâzy ta ama hnohta ama reipazy cha chho ei ta.

1 KAWRINI 10:21

Abeipa nyu nata ahripa nyu doh pakaoh thei veih ei chi. Abeipa tlâhkhai nata ahripa tlâhkhai dôh pakaoh thei hra veih ei chi.

1 KAWRINI 15:33

Dôpa ta y khah u. “Viasa moleipazy ta viasa nôchâ phapa ama parao tyh.”

1 KAWRINI 5:9

Ei châpaphaopa liana khata apatlana moleina a taopazy a pahlao lei awpa ta ei roh haw.

1 KAWRINI 6:6

Unawhpa ta a unawhpa ryureina liata tlôkhei ta, cha chhao cha ngiapâleipazy hmiakô liata châ heih ta.

1 KAWRINI 7:39

Lapinô cha a vahpa hro chhôh zydua cha chahrypa a châ. A vahpa a thi ha khiahta deikua cha, a khopa maih a hnei thei. Anodeikua cha Abeipa liata a ypa chyhsa a châ awpa a châ.

PHILIPI 2:15

Chatanachata chhâ moleipa nata paviapa hry liana heta, seina hnei leipa nata pathaihpa châ aw ei chi ta, vâ awhsizy hawhta ama hry liata nama khaih aw.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.