2 KAWRINI 6:13 - Mara Bible RV (BSI)

¹³ Sawzy hnohta bie reipa hawhta nama hnohta ei reih. Nâmo chhao miah nama deichhy thei hra nawpa ta, nama palôh zy a pahy via teh u.

2 KAWRINI 6:13 ပူးပေါင်းရင်းမြစ်များ

HLAZY 119:32

Ei palôh na pahy kawh tita, Na biepiepazy lâpi a chhipa ta ei râ aw.

HLAZY 81:10

Kei he Abeipa na Khazohpa châ na ta, Izi râh tawhta châ kaw chhi papuatuhpa kha ei châ. Na pakah a kawhpa ta â la, Ei pabie aw.

MÂKA 11:24

Chavâta ei cha chho ei, khâpa rai thlahchhâna ta nama hiapa maih hmô hapa hawhta pachâ teh u. Chatanachata nama hiapa cha nâmo eih a châ aw.

KALATIA 4:12

Unawh saih u, nâmo hawhta ei ypa hawhna heta, nâmo chhao kei hawhta y awpa ta ei châ haw ei. Ei chô liata khâpa pei hmah hria veih ei chi.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

1 THYSALAWNIKA 2:11

Paw ta a sawzy chô liata a taopa hawhta, nama chô liata eima taopa kha nama pahno.

1 ZAWHÂNA 2:1

Ei saw saih u, nama molei lei nawpa ta, he biezy he nâmo lâ ei vaw roh. Chatanachôta chyhsa ta a molei khiahta cha, Paw lâta miah reikheituhpa mosiapa Zisu Krista eima hnei.

1 ZAWHÂNA 3:18

Sawzy saih u, bie nata reikah deita ta kyh a pachâ leipa sih la, hmotaopa nata biehmeiseihpa ta kyh a pachâ ei suh u.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.

3 ZAWHÂNA 1:4

Ei sawzy bie hmeiseihpa liata ama y tahpa ei theipa hlâta nâ palysa viapa y vei.