2 KAWRINI 6:11 - Mara Bible RV (BSI)

¹¹ Hy Kawrini mo saih u, khotalaipa nata palôh pahy khaipa ta nama hnohta bie eima reih.

2 KAWRINI 6:11 ပူးပေါင်းရင်းမြစ်များ

ZAWBÂ 32:20

Ei hua thei nawpa ta bie ei rei awpa byuh ta, Ei hmao pahypa ta ei chhy awpa a byuh.

HLAZY 119:32

Ei palôh na pahy kawh tita, Na biepiepazy lâpi a chhipa ta ei râ aw.

HLAZY 51:15

Hy Abeipa, ei hmaozy pahy la, Ei pakah ta na reithaina a phuah aw.

ISAI 60:5

Tilaipi hneirônazy nâ lâ vaw tlô aw ei ta, Râhzy liata sôh nata thihzy nâ lâ amâ vy aw. Chazy cha moh aw chi ta, Na hmia a kai kaw aw; Na palôh thapha aw ta, Nâ ly ngaita aw.

EZEKIA 33:22

Cha a râpa chyhsa â vy hlâ zâlâ ta, Abeipa ta ei chô liata a ku pahnieh ta, my ta kei lâ a vaw tlôna daihti liata ei pakah na pahy ta, ei pakah â na ta, reih pathlie thei leipa châ khao leipa na ta.

HABAKU 2:5

Kresawhti cha dôveituhpa châ ta, Akhotlâh kaw ta, A pahâ beih leipa a châ. Athihkhih tlu ta a karâ hneina kawh ta, Thina hawhta â daih a tah beih leipa a châ. Ano lâta râh zydua awpakhy ta, Ano lâta phopi zydua a pahmaoh ei.”

HMOTAOPAZY 18:1

Cha hmozy hnôhlâ ta, Pawla cha Atheni tawhta pua ta, Kawrini lâ sie ta.

HMOTAOPAZY 18:8

Pakhyna o hyutuhpa Krispâ nata a chhôhkha zydua cha Abeipa a ngiapâ ha ei ta. Kawrini mo hluhpi chhao ta, Pawla biereipa ama thei nahta, a ngiapâpa ta, bâti châ ei ta.

2 KAWRINI 12:15

Kei la a ly ngaitapa ta nama thlahpa châta ei hneinazy hmâh a chhuah na ta, ei pôhpa chhao nama thlahpa châta hmâh khai ei chhuah. Thata kyh cha pachâ ei na ta, a chyhta chhâ kyh na pachâ hra aw veih ei chi ma?

2 KAWRINI 2:4

Thlazoh ngaitapa nata palôh rietheipa nata mothlih hluhpi tlana chôta nama hnohta ei vaw ropa a châ. Nama palôh pasasa nawpa châ leipa ta, nama kyh ei cha pachâ ngaitanazie nama pahno thei nawpa ta ei ropa a châ.

KALATIA 3:1

Hy Kalatia mo ahrupa saih u! Ahy ma châ dyu ei? Nama mohmô lia tlai ta, Zisu Krista cha khaipâpa ta a ypa a siapa ta palâsapa a châ.

KALATIA 4:12

Unawh saih u, nâmo hawhta ei ypa hawhna heta, nâmo chhao kei hawhta y awpa ta ei châ haw ei. Ei chô liata khâpa pei hmah hria veih ei chi.

EPHESI 6:19

Pakah âpa ta thâtihpha bienyupa riahpha ngaitapa ta phuah awpa ta, bie rei awpazy piepa ei châ thei nawpa ta, kei châta na hiapa hra teh u.

EPHESI 6:8

Sei rai châ sala, khotalaipa rai châ sala, chyhsa to ta hmo phapa ama taopa maih cha, Abeipa tawhta ama hmô heih aw tahpa pahno teh u.

PHILIPI 1:8

Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

PHILIPI 4:15

Nâmo, Philipi mo saih u, thâtihpha ei chho tua nota Mâsidônia râh tawhta ei pua nona kha, nâmo dei leipa ta cha, Awnanopa miakha hmahta hmopiena nata hmodaona kyh liata na hrialâh veih ei tahpa nâmo tlai ta nama pahno.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.

1 SAMUELA 2:1

Chatawhcha Hânâ cha hetana heta thlahchhâ ta, “Abeipa liata ei palôh a ly ta, Abeipa liata ei ki chaluahpa ta a y. Na pachhana liata ei lypa vâta, Ei chariahpazy chô liata ei pakah a kawh thei bâ aw.