2 KAWRINI 6:10 - Mara Bible RV (BSI)

¹⁰ Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

2 KAWRINI 6:10 ပူးပေါင်းရင်းမြစ်များ

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

BIESOZY 13:7

Chyhsa pakha cha anosasyh hneirôhpa hawhta â tao ta, Châhrasala a hneipa y leipa ta; Chyhsa hropa ta sipasapa hawhta â tao ta, Châhrasala sôh hluhpi a hnei.

BIESOZY 16:16

Ngôh hlâta sona hneipa pha via syulyu ta, Tâkâ vyuhpa ta novâhna tlao a tlyh awpa a châ.

MATHAI 5:12

A ly u la, thaphapa ta y teh u, vârâh liata nama lymâ hluhpi a y. Cha hawhna chata, nâmo hlâta a vaw y tuapa hrohsopazy chhao ama vaw taola tyh.

MATHAI 5:4

“Pachârôhpazy ama nohlao na, thlapalôhpa ta ama y awpa vâta.

LUKA 6:21

“Nâmo, tahmâ nota nodipazy saih u, nama nohlao na, nama rih a bie awpa vâta. “Nâmo, tahmâ nota a chapazy saih u, nama nohlao na, nama pahnei awpa vâta.

ZAWHÂNA 16:22

Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

HMOTAOPAZY 16:25

Zâcho ta Pawla nata Sila cha Khazohpa lâ thlahchhâpa ta hlazy sa ei ta, atâhpazy ta nathlie ei ta.

HMOTAOPAZY 3:6

Pity ta, “Tâkâ nata ngôh hnei va na, châhrasala ei hnei chhôhpa ei cha pie aw. Nâzari Zisu Krista moh ta thyu la, na phei ta sie teh,” tah ta.

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

RAWMA 11:12

Ama paona hmahta khizaw hneirôna châ sala, ama leina Zenitaizy hneirôna a châ khiahta cha, ama pakina chhochhi cha hneirôna a châ pachai aw dia!

RAWMA 12:15

Alypazy a lykhei u la, achapazy chakhei teh u.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

RAWMA 9:2

Ei palôh liata rietheina ru ngaitapa nata pachârôhna lei thei leipa ei vao thlâh haw.

1 KAWRINI 1:5

Ano vâta biereina kyh nata pahnona kyh zydua liata, kyh to liata pahneirôhsapa ta nama y.

2 KAWRINI 2:4

Thlazoh ngaitapa nata palôh rietheipa nata mothlih hluhpi tlana chôta nama hnohta ei vaw ropa a châ. Nama palôh pasasa nawpa châ leipa ta, nama kyh ei cha pachâ ngaitanazie nama pahno thei nawpa ta ei ropa a châ.

2 KAWRINI 4:15

Cha zydua cha nama pha nawpa châ ta, chatanachata ngiachhiena cha chyhsazy hry liata pôh via lymâ aw ta, Khazohpa rônah nawpa ta alyna bie reina chhao a pôh via rili aw.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

EPHESI 3:16

A rônahna hneirôh ngaitazie hawhta, Khazohpa ta a Thlahpa zawhzi ta nama chhôh lâ hro tha a cha patlô thei nawpa ei ta, thlah ei cha chhâpa ei.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

PHILIPI 4:4

Abeipa liata khâ a ly teh u; ei tah heih aw, a ly teh u.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

1 THYSALAWNIKA 1:6

Rietheina hluhpi taona chôta, Thlahpa Pathaihpa liata a lypa ta bie a pyh ei chi ta, keimo nata Abeipa hâ a latuhpazy nama vaw châ haw.

1 THYSALAWNIKA 5:16

Khâ a ly u la,

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

1 TIMAWTHY 6:18

Hmopha ama tao awpa châ ta, hmopha taona liata hneirôhpa ta, riaphapa ta, ama hneina mohropazy amâ chhaih hra awpa a châ.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 4:13

Krista rônahna â vaw luah tita, thaphapa ta namâ ly thei nawpa ta, Krista pasataona a hlykheituhpazy nama châ.

BIEPHUAH 2:9

“‘Na pasataozie nata na dyhchhiezie zy ei pahno. Châhrasala hneirôhpa na châ. Zu hmeiseihpa châ tlôh leipa ta Zu â tahpa, Sâtâ pakhyna o a châpazy ta ama cha reipachhiena chhao ei pahno.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.