2 KAWRINI 5:19 - Mara Bible RV (BSI)

¹⁹ Krista liana chata Khazohpa ta khizaw he ano nata a ryhpa ta tao ta, ama paraonazy cha paraona ta rao khao vei. Cha aryhna bie chho awpa cha keimo liata a pahnieh.

2 KAWRINI 5:19 ပူးပေါင်းရင်းမြစ်များ

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

MALUHREINA 9:16

Cha hawhna chata y thlâh ha tyh ta. Nohchhô ta meihdo ta pahly ta, azo ta mei hawhta a luah ta.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

ZAWHÂNA 14:20

Cha noh liata, kei ei Paw liata y na ta, nâmo keima liata y ei chi ta, kei nâmo liata ei y tahpa nama pahno aw.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

RAWMA 11:15

Âmo dythana hmahta khizaw aryhna a châ khiahta cha, âmo apyhna chhochhi cha, thina tawhta hrona leipa ta cha, khâpa a châ aw?

1 KAWRINI 13:5

a nôchhie vei. Kyhpachâna cha ano phana dei pachâ leipa ta, a hiehâh khoh hra leipa ta, paraopazy a thei thlâh ha vei.

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.