2 KAWRINI 5:18 - Mara Bible RV (BSI)

¹⁸ Cha zydua cha Khazohpa tawhta a puapa a châ. Krista vâta Khazohpa ta ano nata a ryhpa ta miah tao ta, aryhna chakaona raihria miah a pie.

2 KAWRINI 5:18 ပူးပေါင်းရင်းမြစ်များ

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

EZEKIA 45:15

Izarei sawzy châta chatlaina tao awpa ta, ti yna Izarei sibiepa suzy liata a tlaihpa mietaku zaw tawhta, mietaku za no liata pô kha lymâ la aw ei chi ta, chazy cha niepa hlâna, raopa hlâna nata aryhna hlânazy châta nama hlâ aw, Abeipa Zehôvâh ta a tah.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

THEIHTHAINA 6:30

Su Pathaihpa liata chatlaina tao nawpa ta, ahmaohna poh o liata a thisaih ama vaw cheipa sa, moleina hlâna châta atheihna sa deikua cha, nie awpa châ vei. Mei ta rao awpa a châ.

LUKA 10:5

O namâ ngiapa maih liata, a hmiatua chai ta, ‘He o liata thlalôhna vaw tlô mawh sy!’ nama tah lymâ aw.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 3:27

Zawhâna ta a chhy ta, “Vârâh tawhta piepa a châ vei khiahta la, chyhsapa ta khâpa hmah hnei thei vei.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

RAWMA 11:36

Ano tawhta, Ano vâta, Ano châta, Hmo to a ypa a châ. A hnohta chhâzaw ta rônahna y mawh sy! Amen.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 11:12

Chanô cha chapaw tawhta a puapa a châpa hawhta, tahmâ cha chapaw chhao chanô tawhta a pihpa a châ hra. Ato zydua deikua cha Khazohpa tawhta a puapa a châ.

1 KAWRINI 12:6

Raihria chi hluhpi y ta, Khazohpa deikua cha pakha a châ. Chyhsa to hnohta ama raihria châ chyu ta hmotaotheina a pie ei.

1 KAWRINI 3:5

Apawlôsâ cha khâpa ma a châ? Pawla chhao cha khâpa ma a châ? Chakaotuhpa, nâmo châ pangiapâsatuhpa deita ama châ. Cha chhao cha Abeipa ta a piepa lymâ hawhta ama hria chyupa a châ.

1 KAWRINI 8:6

keimo châta deikua cha, Paw Khazohpa pakha deita a y. Ano tawhta ato pua ta, keimo chhao ano châta a ypa eima châ. Abeipa pakha deita hnei pi ta, ano cha Zisu Krista a châ. Ano vâta ato y ta, keimo chhao ano vâta a ypa eima châ hra.

KAOLAOSÂ 1:22

Tahmâ deikua cha, a hmiakô liata pathaihpa nata seina hnei leipa nata reipasipasua nawpa y leipa ta a cha paduasa thei nawpa ei ta, a sapa pôhpa liata thina ta ano nata a cha paryhsa ei.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.