2 KAWRINI 5:17 - Mara Bible RV (BSI)

¹⁷ Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

2 KAWRINI 5:17 ပူးပေါင်းရင်းမြစ်များ

HLAZY 51:10

Hy Khazohpa, palôh pathaihpa kei liata paysa la, Pachâna dopa ei chhôh liata pathieh heih mah y.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

EZEKIA 11:19

Palôh miakha phaoh awpa ta tao aw ei na ta, pachâna thiehpa ei pahneisa aw ei. Ama sapa tawhta alô palôh lapa aw ei na ta, sapa palôh ei pie aw ei.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

MATHAI 12:33

“Tho phapa cha a thei pha ta, tho chhiepa cha a thei a chhie. Tho cha a thei tawhta pahnopa a châ.

MATHAI 24:35

Lei nata vâ a lei aw, ei biezy deikua lei aw vei.

LUKA 5:38

Kresawhti thiehpa cha savo titheih thiehpa liata ama ryh tyh.

ZAWHÂNA 14:20

Cha noh liata, kei ei Paw liata y na ta, nâmo keima liata y ei chi ta, kei nâmo liata ei y tahpa nama pahno aw.

ZAWHÂNA 15:2

Ei chiah a pathei leipa maih thy ta, a patheipa maih a pathai tyh, a pathei hluh rili nawpa ta.

ZAWHÂNA 15:5

Kei kre zôh châ na ta, nâmo a chiahzy nama châ. Ahy rai keima liata y thlâh ha ta, kei chhao ano liata ei y thlâh hana chyhsa cha thei hluhpi a pathei tyh. Keima leipa ta khâpa hmah tao thei veih ei chi.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

RAWMA 16:10

Krista liata chyhsa hmeiseihpa Apele kha nâ naohpa muh vy. Aristôbulâ chhôhkhazy kha nâ naohpa muh vy.

RAWMA 16:11

Ei chiheih Herôdiônâ kha nâ naohpa muh vy. Nâkisâ chhôhkha Abeipa liata a ypazy kha nâ naohpa muh vy.

RAWMA 16:3

Priskilâ nata Akuilâ, Krista Zisu liata ei hrialâhpazy kha nâ naohpa muh vy.

RAWMA 16:7

Ei chiheih Andrônikâ nata Zunia, patâhna o liata ei tâlâhpazy kha nâ naohpa muh vy. Âmo cha lyuhchâpazy ta ama pahno kawpazy châ ei ta, kei Krista liata ei y hlâta a y hapazy ama châ.

RAWMA 16:9

Krista liata ei hrialâhpa Ubânâ nata ei kho ngaitapa Stâki kha nâ naohpa muh vy.

RAWMA 7:6

Tahmâ deikua cha, miah a chahrypa cha thisaipa ta, ryhpa tawhta eima pua haw. Chatanachata châropa parohpa siezie hawhta châ khao leipa ta, Thlahpa hro thiehpa ta eima chakao thei haw.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 13:11

Ei hawti nota, hawti reih cheih na ta, hawti pahnona ta pahno na ta, hawti pachâna ta ei pachâ tyh. Ei vaw pitloh tawhta deikua cha, hawti taoziezy cha ei bâhsai haw.

2 KAWRINI 12:2

Kô hrawh hleipalih a sie hapa liata, vârâh chhâh thôhna lâta a chhipa ta a ypa, Krista liata chyhsa pakha ei pahno. Pôhpa ta a chhipa ma a châ, pôhpa leipa ta ma, tahpa deikua pahno va na. Khazohpa ta a pahno.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

2 KAWRINI 5:19

Krista liana chata Khazohpa ta khizaw he ano nata a ryhpa ta tao ta, ama paraonazy cha paraona ta rao khao vei. Cha aryhna bie chho awpa cha keimo liata a pahnieh.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

KALATIA 6:15

Chopawtaipa ta phahnaina hnei leipa ta, chopawtaileipa chhao phahnaina hnei hra vei. Taopathina deikua cha phahnaina a hnei.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

EPHESI 2:15

ryhpa biepiepa nata bieraopazy pahlei ta, panozy cha ano liata chyhsa thiehpa pôhkha pachâsapa ta, aryhna a tao haw.

PHILIPI 4:21

Krista Zisu liata mopathaihpa zydua kha nâ naohpa muh vy. Ei hnohta unawh a ypazy ta ama châ naoh.