2 KAWRINI 5:15 - Mara Bible RV (BSI)

¹⁵ Chyhsa zydua châta a thipa vâta, ahrohpazy cha âmo châta hroh khao leipa ta, âmo châta thi ta a thyu heihpa châta ama hroh awpa a châ.

2 KAWRINI 5:15 ပူးပေါင်းရင်းမြစ်များ

2 ABEIZY 5:17

Nâmâ ta a hnohta, “Cha khiahta la, ngiachhiepa ta châ chakaotuhpa he alâ phao no alei na pie mah y. Tahmâ tawhta cha, châ chakaotuhpa heta Abeipa lâ dei leipa ta cha, raopa hlâna nata atheihna zy khazoh hropazy lâta hlâ khao aw va na.

EZEKIA 16:6

“‘Cha vaw chapiapa ta, na thisaih nâ hlaopa ei hmô nahta, na thisaih liata bie châ chhopa ta, “Hroh teh!” cha tah na ta, na thisaih liata bie châ chhopa ta, “Hroh teh!” ei cha tah.

EZEKIA 37:14

Nama chhôh liata ei Thlahpa soh aw na ta, hroh aw ei chi ta, nama râh lia tlai ta ei cha pahrâsa aw ei. Chatanachata kei Abeipa heta reih ha na ta, ei tao tlai aw tahpa nama pahno aw,” Abeipa ta a tah.

EZEKIA 37:9

Abeipa ta ei hnohta, “Hu hnohta hrohsona bie phuah la, Hy chyhsa sawchapawpa y, phuah tlai la, hu hnohta, Abeipa Zehôvâh ta hetana heta a tah: ‘Hy hu y, thlih pathlina kaokih miapalih tawhta a vy la, ama hro thei nawpa ta, he thiepazy chô liana heta hu so thlu teh,’ tah mah y,” tah ta.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

ZEKARIA 10:9

Phopizy hry liata papai ha hra ei sah la, Lâhla râhzy tawhta nâ thei aw ei ta, Ama sawzy chhaota hroh aw ei ta, Ama vaw kua heih aw.

LUKA 1:74

Eima chariahpazy ku tawhta miah a pachha haw.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 6:57

A hroh thlâhpa Paw ta na tuah ta, Paw zawhzi ta a hrohpa ei châpa hawhta, ahy rai nâ niepa cha, keima zawhzi ta ano chhao a hroh aw.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

RAWMA 6:2

Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 6:6

Moleina a phaohpa pôhpa he pahleipadiapa ta, moleina sei ta eima y khao lei nawpa ta, eima chyhsa parohpa cha a hnohta khaipâpa ta a y haw tahpa eima pahno.

RAWMA 8:10

Châhrasala Krista cha nâmo liata a y khiahta cha, moleina vâta nama pôhpa cha thi hra sala, nama thlahpa deikua cha siana vâta a hroh.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

RAWMA 8:6

Sapa hmo pachâna cha thina châ ta, Thlahpa hmo pachâna deikua cha, hrona nata thlalôhna a châ.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

KALATIA 5:25

Thlahpa ta a hrohpa eima châ khiahta cha, Thlahpa liata y ei suh u.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

KAOLAOSÂ 2:12

Bâtina liata a hnohta pabupa châ ei chi ta, athihpa hry tawhta ano a pathyutuhpa Khazohpa raihria hmotaotheina namâ ngiapâpa vâta, nâmo chhao a hnohta pathyupa nama châ.

KAOLAOSÂ 3:1

Krista hnohta pathyupa nama châ ha tawhta cha, Khazohpa chachâh lâta a tyuhpa Krista yna liata chô lâ hmozy tlua teh u.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

KAOLAOSÂ 3:23

Nama taopa maih, chyhsapa châta taopa hawhta pachâ leipa ta, Abeipa châta taopa hawhta tlao pachâpa ta, palôh pha ngaitapa ta hria lymâ teh u.

1 THYSALAWNIKA 5:10

Eimâ hrapa chhao ta, eimâ môpa chhao ta, a hnohta eima hro thei nawpa ta, Krista cha keimo châta a thipa a châ.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

1 PITY 4:6

Cha vâna chata athihpa hnoh chhao ta thâtihpha chhopa a châ. Sapa ta a ypa chyhsazy hawhta pachiapa ama châpa chhao ta, Khazohpa hawhta thlahpa ta ama hroh ha aw.

1 ZAWHÂNA 4:9

Ano vâta eima hroh thei nawpa ta, Khazohpa ta a Sawchapaw matlupa khizaw lâ a vaw tuapa liana heta, Khazohpa kyhpachâna cha eima hry liata palâsapa ta a y.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.