2 KAWRINI 5:10 - Mara Bible RV (BSI)

¹⁰ Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

2 KAWRINI 5:10 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

1 ABEIZY 8:32

vârâh tawhta vaw nathlie la, châ chakaotuhpazy cha pachia la, thailei a châpa cha a hmotaopa a luh chô liata patlôsapa ta viarithô la, mosiapa cha thaipachâsa la, a siana yzie hawhta lymâ pie mah y.

1 ABEIZY 8:39

na pahrâna su vârâh liata vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathla zydua palôh a pahnotuhpa châ tlôh chi ta.

ZAWBÂ 34:11

Chyhsapa cha a hmotaopa hawhta viarithô aw ta, A yzie hawhta a chô liata a patlôsa aw.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

EZEKIA 18:30

“Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

HMOTAOPAZY 10:42

Ano cha athihpa nata ahrohpa pachia awpa ta Khazohpa ta a raopa a châzie a duakheipa ta, chyhsazy hnohta chho awpa ta bie miah a pie.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 7:3

Cha bie cha nâmo thailei pachâsa nawpa ta ei reipa châ vei. Thi khiah thi khoh, hro khiah hroh khoh tah awpa ta, eima palôh liata khâ nama ypa kyh cha, kha hlâta ei reih haw.

EPHESI 6:8

Sei rai châ sala, khotalaipa rai châ sala, chyhsa to ta hmo phapa ama taopa maih cha, Abeipa tawhta ama hmô heih aw tahpa pahno teh u.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.

1 PITY 4:5

Ahrohpa nata athihpa pachia awpa ta a mâ chiehpa ta a y thlâh hapa hnohta ama thâtih âmo tlai ta amâ reih aw.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.

1 SAMUELA 2:10

Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.