2 KAWRINI 5:1 - Mara Bible RV (BSI)

¹ Eima pahrâna lei byureih he phiepa châ hra sala, vârâh liata chhâzaw o eima hnei tahpa eima pahno. Cha o cha ku ta sa leipa, Khazohpa taopa a châ.

2 KAWRINI 5:1 ပူးပေါင်းရင်းမြစ်များ

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ZAWBÂ 30:22

Thlih lâ na chalopa ta a chô lia na pakiasa chi ta, Thlihpipa ta phao pahaipa ta eina so chi.

ZAWBÂ 4:19

Beihlei o liata a pahrâpazy, Dohlei liata abôna lô a bôpazy, Tâbalâpa hawhta thie naopazy chhochhi cha, A ngâ lei pachai aw dia!

HLAZY 56:9

Ei cha padona noh liata, Ei chariahpazy hnôh a sy aw ei ta, Khazohpa cha ei chhâh a châ tahpa ei pahno aw.

ISAI 38:12

Mietaku vaituhpa poh o hawhta, Ei pahrâna phiapa ta kei tawhta pasiepa châ ta; Thaisatuhpa thai lopa hawhta, Ei hrona cha loh na ta, Thai tawhta eina tai pachhô haw. Chhô tawhta zâ lâ pangaipa ta, Chhâna lâ einâ chhi chi.

MÂKA 14:58

“He chyhsa heta, ‘He Achhyna o, ku ta sapa he phie aw na ta, noh thôh chhôh ta Achhyna o hropa ku ta sa leipa ei padua aw,’ a tahpa eima thei,” tah ei ta.

HMOTAOPAZY 7:48

Châhrasala Chônôchaipa cha ku ta sapa ozy liata pahrâ vei, hrohsopa ta,

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

2 KAWRINI 5:4

He lei byureih liata eima y chhôh cha phaohripa ta eimâ rôh tyh. A tobi leipa ta y awpa eima khohpa vâta châ leipa ta, a tobi via awpa eima khohpa vâta tlao a châ. Chatanachata he thi theipa he hrona ta a palâ ha aw.

KAOLAOSÂ 2:11

Ano liata chopawtaipa châ ei chi ta, cha cha ku ta chopawtaipa châ leipa ta, sapa ryhpa pahluh khaipa ta, Krista liata chopawtaipa nama châ.

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

HEBRAI 11:10

Chatanachata abônazy a hneipa, Khazohpa pachhuahpanohpa nata paduapa khihpi cha a hâ hualua.

HEBRAI 9:11

Krista deikua cha, hmo phapa a vaw tlôpazy châta theihthai beichaipa ta â vy nota, achhyna byureih rônah viapa nata paki viapa siepahliepa ta a vy ta, cha cha ku ta sa leipa, he hmotaopazy hry liata a hlao leipa a châ.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

1 PITY 1:4

ryuto rao thei leipa, apuapa a hlao leipa nata lo beih leipa vârâh liata a cha sopa ei.

2 PITY 3:11

Cha hawhta hmo to zydua pahleipadia khai awpa a châpa vâta, pathaihna nata Khazohpa pachâna hro ta a hrohpa chyhsazy nama châ awpa a byuh.

1 ZAWHÂNA 3:14

Unawhzy kyh eima pachâpa vâta thina tawhta pua pi ta, hrona liata eimâ ngia haw tahpa eima pahno. Ahy rai kyhpachâna a hnei leipa cha thina liata a y thlâh haw.

1 ZAWHÂNA 3:19

Cha liana chata biehmeiseihpa liata eima y tahpa pahno pi ta, palôh liata alôhna hneipa ta a hmiakô liata eima y theipa a châ.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.