2 KAWRINI 4:8 - Mara Bible RV (BSI)

⁸ Kyh to liata chaiepa ta y pi ta, châhrasala eima hu po vei. Nôpopa ta y pi ta, châhrasala eima hnabeidy vei.

2 KAWRINI 4:8 ပူးပေါင်းရင်းမြစ်များ

HLAZY 129:2

A châ na, ei thyutlia no tawhta ei hluhpi na pasasa ei ta, Châhrasala na pahnie veih ei.

HLAZY 37:33

Abeipa ta mosiapa cha, Moleipa ku liata siesai leipa aw ta; Pachiana lâ a chhipa a châ tita, Thailei a châ awpa pasaih aw vei.

BIESOZY 14:26

Abeipa a chipa chyhsa cha a riahpha ta, A sawzy ta a chhai awpa ama hnei.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

HABAKU 3:17

Theiku kô pawh leipa ta, Kre zôhzy pathei vei hra sala; Ôli thei pathei leipa ta, Lyuzy ta niedo papua vei hra sala; Mietaku o tawhta mietakuzy leidia khaipa ta, Viahchao ozy liata viahchao y vei hra sala;

ZAWHÂNA 14:18

“Hârapa ta cha siesai aw veih ei na, nama hnohta ei vy heih aw.

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

2 KAWRINI 6:12

Keimo la nâmo liata khâpa hmah phih ma pi, nâmo deikua cha keimo châta a pahy veih ei chi.

2 KAWRINI 6:4

Khazohpa chakaotuhpazy eima châpa hawhta, kyh to liata chyhsa modypa ta eima y. Thata pasa taona liata zy, riethei taona liata zy, rairuna liata zy, pachârôhna liata zy;

2 KAWRINI 7:5

Mâsidônia râh eima vaw tlô nota, eima pôhpa a pahâ beih leipa ta, su to liata riethei pataosapa ta eima y. Khôtho lâta miah a dyuh ei ta, chhôh lâta china ta miah a khu.

KALATIA 4:20

Nâmo kyh liata ei nôpo ngaita ta, tahmâ chhao he nama hnohta y ta, ao ki pasâh awpa ei byuh kaw!

1 SAMUELA 28:15

Samuela ta Sawla hnohta, “Khazia he hawhta na aw papuapa ta eina patypamâ chi?” tah ta. Sawla ta a chhy ta, “Ei nôpo ngaitapa vâta a châ. Philistinâ mo ta nâ dyuh ei ta, Khazohpa hra cha nâ heihsai ha ta, hrohsopazy hmâpa ta tlyma, mâ lâta tlyma, nâ chhy khao leipa ta. Chavâta ei tao awpa na chho awpa ta ei cha aw papua,” tah ta.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.

1 SAMUELA 31:4

Sawla ta a chariah chhaichhi a chabatuhpa hnohta, “Na zaozi kha phia la, nâ vaw chôsao teh, chataleipatala chopawtaileipa sahlaozy a vy aw ei ta, nâ vaw chôsao aw ei ta, einâ palai thlu pathlei aw ei na,” tah ta. Châhrasala a chariah chhaichhi chabatuhpa cha a chi ngaitapa vâta tao kho leipa ta. Sawla ta ano zaozi la ta, pao thlu ta.