2 KAWRINI 4:12 - Mara Bible RV (BSI)

¹² Chatanachata keimo liata thina ta rai hria ta, nâmo lia deikua cha hrona ta rai a hria tyh.

2 KAWRINI 4:12 ပူးပေါင်းရင်းမြစ်များ

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

1 KAWRINI 4:10

Keimo la Krista châta ahrupa châ pi ta, nâmo deikua Krista liata asopa nama châ. Keimo la chiehleipa châ pi ta, nâmo deikua thatlôpa nama châ. Nâmo cha chyhsa palyupalihpa ta y ei chi ta, keimo deikua chyhsa mohnaopa ta eima y.

2 KAWRINI 12:15

Kei la a ly ngaitapa ta nama thlahpa châta ei hneinazy hmâh a chhuah na ta, ei pôhpa chhao nama thlahpa châta hmâh khai ei chhuah. Thata kyh cha pachâ ei na ta, a chyhta chhâ kyh na pachâ hra aw veih ei chi ma?

2 KAWRINI 13:9

Keimo eima chieh vei no chhao ta, nâmo thatlôpa ta nama ypa cha eimâ ly chaina a châ. Phapakipa ta nama y thei nawpa ta thlah eima chhâ lymâ.

2 KAWRINI 4:11

Eima pôhpa thi theipa liana heta Zisu hrona â lâ thei nawpa ta, keimo ahrohpazy pi he Zisu vâta thina lâta hlâpa ta khâ eima y.

2 KAWRINI 4:13

“A ngiapâ na ta, chavâta ei reih,” tahpa ropa hawhta, keimo chhao, cha ngiapâna thlahpa cha hneipa ta, a ngiapâ pi ta, chavâta eima reih.

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

PHILIPI 2:30

Nâmo ta eina deichhy awpa vyuhpa nata namâ phahlanazy pabie awpa ta, a hrona sokhâhpa ta na chakao ta, Krista raihria vâta a thi daihmâpa a châ.

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.