2 KAWRINI 4:10 - Mara Bible RV (BSI)

¹⁰ Zisu hrona eima pôhpazy liata â lâ thei nawpa ta, eima pôhpa liata Zisu thina cha eima phaoh lymâ.

2 KAWRINI 4:10 ပူးပေါင်းရင်းမြစ်များ

ZAWHÂNA 14:19

Bohpi leipa tawhta khizaw ta na hmô khao aw vei, châhrasala nâmo la eina hmô aw ei chi. Kei ei hrohpa vâta, nâmo chhao nama hroh aw.

RAWMA 6:5

A thina liata thi hrapa ta, ano nata eimâ zao ha khiahta cha, a thyuheihna liata chhao thyu hrapa ta, ano nata eimâ zao tlai aw.

RAWMA 6:8

Krista hnohta eima thi ha khiahta cha, a hnohta eima hroh aw tahpa eimâ ngiapâ.

RAWMA 8:36

“Nâma vâta noh y ta thiepa ta y pi ta, Mietaku thie awpazy hawhta pachâpa eima châ,” tahpa ta ropa a châ.

2 KAWRINI 1:5

Krista pasa taona hawhta eima tao hluh via nahta, Krista liata eima thlalôhna a pôh rili.

2 KAWRINI 1:9

Hmeiseihta la, thi awpa ta eimâ pachâ hapa a châ. Châhrasala keimo a ngâ leipa ta, athihpa pathyutuhpa Khazohpa eima ngâ thei nawpa ta, kha hmo kha a vaw ypa a châ.

2 KAWRINI 13:4

Chiehleipa ta khaipâpa châ ta, châhrasala Khazohpa hmotaotheina ta a hroh. Keimo chhao ano liata chiehleipa châ pi ta, châhrasala nâmo eima cha chakaopa vâna heta, Khazohpa hmotaotheina topa ta a hnohta eima hroh hra aw.

2 KAWRINI 4:11

Eima pôhpa thi theipa liana heta Zisu hrona â lâ thei nawpa ta, keimo ahrohpazy pi he Zisu vâta thina lâta hlâpa ta khâ eima y.

KALATIA 6:17

Tahmâ tawhta la ahy hmahta na patypamâ khao khah sy, ei pôhpa liata Zisu eih ei châna ngianazy phaoh tlôh na ta.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

2 TIMAWTHY 2:11

He bie he ngâ â chhih: A thina liata eima thi khiahta cha, A hrona liata eima hroh hra aw;

1 PITY 4:13

Krista rônahna â vaw luah tita, thaphapa ta namâ ly thei nawpa ta, Krista pasataona a hlykheituhpazy nama châ.

1 PITY 4:14

Krista moh vâta pasipasawhpa nama châ khiahta cha, rônahna Thlahpa nata Khazohpa Thlahpa cha nama chô liata y ta, chavâta nama nohlao aw.

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,