2 KAWRINI 4:1 - Mara Bible RV (BSI)

¹ Cha chakaona cha Khazohpa zawngiahna vâta eima hnei theipa a châpa vâta, eima palôh chhâ vei.

2 KAWRINI 4:1 ပူးပေါင်းရင်းမြစ်များ

ISAI 40:30

Thyutliazy ta panaopa ta ama tha chhâ aw ta, Satliazy rietheipa ta ama pao aw.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

ZEREMIAH 45:3

‘Ei hu a po kaw dia! Abeipa ta ei sa pasana liata pachârôhna na baichha ha ta, ei hro chhao panao pâ khai ha ta, huhnona rai hmô thei va na,’ tah chi ta.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

1 KAWRINI 3:5

Apawlôsâ cha khâpa ma a châ? Pawla chhao cha khâpa ma a châ? Chakaotuhpa, nâmo châ pangiapâsatuhpa deita ama châ. Cha chhao cha Abeipa ta a piepa lymâ hawhta ama hria chyupa a châ.

1 KAWRINI 7:25

Dyhchâ leipa laihsa kôpazy kyh liata, Abeipa tawhta biepiepa hnei leipa na ta, châhrasala Abeipa ngiachhiena zawhzi ta chyhsa ngâchhihpa ei châna lâ tawhta ei pachâzie ei reih.

2 KAWRINI 3:12

Cha hawhpa hnabeiseihna eima hneipa vâta, keimo la eima riah a pha ngaita.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

2 KAWRINI 4:16

Chavâta eima palôh chhâ vei. Eima khôtho lâ chyhsapa he rao lymâ hra sala, eima chhôh lâ chyhsapa cha noh chareih pathiehpa ta a y lymâ.

2 KAWRINI 5:18

Cha zydua cha Khazohpa tawhta a puapa a châ. Krista vâta Khazohpa ta ano nata a ryhpa ta miah tao ta, aryhna chakaona raihria miah a pie.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

EPHESI 3:13

Chavâta nama châta pasa ei taopa vâta hnabeidy lei awpa ta ei châ haw ei. Nama rônah nawpa ta pasa ei taopa a châ.

PHILIPI 4:13

Tha nâ patlôtuhpa Krista liata ato ei tao thei.

2 THYSALAWNIKA 3:13

Unawh saih u, nâmo deikua cha, hmo pha tao ai khuh vy.

1 TIMAWTHY 1:13

Kha hlâta reipachhietuhpa, taolatuhpa nata pasipasawhtuhpa vaw châ hraw sah la, ngiapâleina vâta pahno leipa ta a taopa ei châpa vâta, zawngiahna ei hmô.

HEBRAI 12:3

Nama palôh thazei leipa ta, nama tha a chhâ lei nawpa ta, moleipazy ta amâ dyuhna vâta pasa a taopa Zisu thâtih pachâ tyh muh vy.

1 PITY 2:10

Hlâno ta cha phopi châ leipa ei chi ta, tahmâ deikua cha Khazohpa phopi nama châ haw. Hlâno ta cha zawngiahna hmô leipa ei chi ta, tahmâ deikua cha zawngiahna nama hmô haw.

BIEPHUAH 2:3

Tao hualua chi ta, ei moh vâta pasa tao chi ta, châhrasala panao va chi tahpa chhao ei pahno.