2 KAWRINI 3:2 - Mara Bible RV (BSI)

² Nâmo he keimo châta pahnokheina châ, chyhsa zydua pahno thei awpa nata rei thei awpa ta, eima palôh liata ropa châ cha nama châ.

2 KAWRINI 3:2 ပူးပေါင်းရင်းမြစ်များ

RAWMA 1:8

A hmiatua chai ta, namâ ngiapâna kyh Khizaw zydua liata a pathâhpa vâta, nama zydua châta Zisu Krista moh ta ei Khazohpa lâ alyna bie ei reih.

1 KAWRINI 3:10

Khazohpa ta ngiachhiena eina piepa lymâ hawhta, o satuhpa zôthaipa taozie hawhta, kei ta lôbô bô na ta, mohropa ta a chô liata o ama sa. Chyhsa to ta lôbô chô liata o ama sa awpa kyh liata a sohsi chyu mawh ei sy.

2 KAWRINI 11:11

Khâpa vâta maw? Kyh ei cha pachâ leipa vâ ei ta ma? Khazohpa ta a pahno!

2 KAWRINI 12:15

Kei la a ly ngaitapa ta nama thlahpa châta ei hneinazy hmâh a chhuah na ta, ei pôhpa chhao nama thlahpa châta hmâh khai ei chhuah. Thata kyh cha pachâ ei na ta, a chyhta chhâ kyh na pachâ hra aw veih ei chi ma?

2 KAWRINI 3:1

Keimosasyh ta a reipapha eimâ thao heih aw ma? A châ vei khiah, thokha taozie hawhta, nâmo lâ tlyma, nâmo tawhta tlyma, pahnokheina châ eimâ ngiah ma?

2 KAWRINI 7:3

Cha bie cha nâmo thailei pachâsa nawpa ta ei reipa châ vei. Thi khiah thi khoh, hro khiah hroh khoh tah awpa ta, eima palôh liata khâ nama ypa kyh cha, kha hlâta ei reih haw.

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

1 THYSALAWNIKA 1:8

Abeipa bie cha nâmo tawhta Mâsidônia nata Akai râhzy liata a pathâhpa dei châ leipa ta, Khazohpa namâ ngiapâna kyh cha su to liata pathâh ta, chavâta keimo ta khâpa hmah eima rei awpa byuh khao vei.