2 KAWRINI 3:18 - Mara Bible RV (BSI)

¹⁸ Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

2 KAWRINI 3:18 ပူးပေါင်းရင်းမြစ်များ

HLAZY 84:7

Sie ei ta ama thatlô via rili ta, Zaio liata Khazohpa hnohta amâ luah hlâlei ama sie lymâ.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 12:41

A rônahzie hmô ta, a thâtih a chhopa vâta, cha biezy cha Isai ta a reipa a châ.

ZAWHÂNA 17:22

Nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, rônahna eina piepa chi kha âmo ei pie ei.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

RAWMA 13:14

Abeipa Zisu Krista ta tlao a tobi u la, nama sapa khopa pipatlohsa nawpa ta khâpa hmah tao khuh vy.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

RAWMA 8:4

Chatanachata keimo, sapa ta hroh khao leipa ta, Thlahpa ta a hroh hapazy liana heta, ryhpa ta â hnawpa siana cha pakipa ta a y aw.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

1 KAWRINI 15:49

Dohlei ta taopa chyhsapa lyuna eima hneipa hawhta, vârâh tawhta chyhsapa lyuna chhao eima hnei hra aw.

2 KAWRINI 3:17

Abeipa cha Thlahpa châ ta, Abeipa Thlahpa yna maih liata khotalaina a y.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

KALATIA 6:15

Chopawtaipa ta phahnaina hnei leipa ta, chopawtaileipa chhao phahnaina hnei hra vei. Taopathina deikua cha phahnaina a hnei.

KAOLAOSÂ 3:10

Chyhsa thiehpa ta a tobi ha ei chi ta, cha chyhsa thiehpa cha pahnona hnei awpa ta, ano taotuhpa lyupa ta tao pathipa ta a y lymâ.

1 TIMAWTHY 1:11

Cha ryhpa cha reithai tlâh Khazohpa thâtihpha rônahpa, kei liata pavaosapa nata â hmiepa ta taopa a châ.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.

ZÂMIE 1:23

Ahy rai bie thei ta, a tao tlôh vei khiahta cha, thlalâ liata a pikheipa hmia a mohpakiapa chyhsa hawhta a châ.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.