2 KAWRINI 3:14 - Mara Bible RV (BSI)

¹⁴ Châhrasala ama palôh kuh pachhasapa châ ta, tanoh taihta, biehrai parohpa ama rei nota, cha khuna cha pahypa châ vei. Khuna cha Krista vâ deita ta pahypa a châ.

2 KAWRINI 3:14 ပူးပေါင်းရင်းမြစ်များ

HLAZY 69:23

Ama hmô thei lei nawpa ta ama mozy zoh sala, Ama chaizy khâ a chalyu mawh sy.

ISAI 25:7

He tlâh liana heta, Phopi zydua hmiakhuna parao aw ta, Râh zydua khuna poh a parao aw.

ISAI 44:18

Pahno leipa ei ta, Pachâ hra vei ei; Ama hmô thei lei nawpa ta, Ama mo pachawhkhâh hapa châ ta; Ama pahno thai lei nawpa ta, Ama palôh khaw hapa a châ.

ISAI 56:10

Izarei vaituhpazy ama mo chao ha ta, Pahnona a hnei leipa sai ama châ; I a thlih thlâh hapazy châ ei ta, Nga thai veih ei; A zia ei ta, reihchamaoh ei ta, A mô awpa sai a tlaichhaipazy ama châ.

ISAI 59:10

Mochaopa hawhta pâhchhô pathâ pi ta, Mo hnei leipazy hawhta eima pathâpazi tyh. Nohchhô sawhvaw pi tlai ta, Zâ hawhta a pachhi pi ta; Thatlôpazy hry liata la, Athipa hawh dei eima châ.

ISAI 6:10

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ Kei tah mah y,” tah ta.

ZEREMIAH 5:21

“Hy ahrupa nata novâhna a hnei leipazy saih u, He he thei teh u. Mo hnei ei chi ta, Châhrasala hmô veih ei chi; Nah hnei ei chi ta, Châhrasala thei veih ei chi.

EZEKIA 12:2

“Chyhsa sawchapawpa y, saw chhorupazy hry liata a pahrâpa na châ. Hmô nawpa mokhaoh hnei ei ta, châhrasala hmô leipa ei ta; thei nawpa nakhaoh hnei ei ta, châhrasala thei veih ei. Saw chhorupazy ama châ.

MATHAI 13:11

Zisu ta âmo cha a chhy ta, ama hnohta, “Nâmo cha vârâh khinarâh bieparuzy pahno awpa ta piepa châ ei chi ta, âmo deikua cha piepa châ veih ei.

MATHAI 16:17

Zisu ta a hnohta, “Saimaw, Zawna sawchapawpa, na nohlao na! Sapa nata thisaih ta a cha pahnosapa châ leipa ta, ei Paw vârâh liata a ypa ta a cha pahnosapa a châ.

MATHAI 6:23

Na mo a rao ha khiahta deikua cha, na pôhpa dua ta a zoh aw. Nâma liata khaihna cha zohna châ ha sala, zohna cha a zoh ngaita aw dia!

ZAWHÂNA 12:40

“Ama mozy pachao ta, Ama palôh kuh a pachhasa; Chata châ vei mawh sala, Ama mo ta hmô aw ei ta, Ama palôh ta pahnopa ta, A vaw heih aw ei ta, Ei patlâh ha awpa ei tlai,” a tahpa kha a châ.

ZAWHÂNA 12:46

Khizaw pakhaihsa awpa ta a vypa ei châ, ahy rai nâ ngiapâpa cha zohna liata a y lei nawpa ta.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HMOTAOPAZY 13:15

Ryhpa châbu nata hrohsopazy châbu tawhta ama rei khai nahta, pakhyna o hyutuhpazy ta âmo lâ chyhsa tuah ei ta, “Unawh saih u, zawpi châta pasyuna bie nama hnei khiahta cha, reih teh u,” tah ei ta.

HMOTAOPAZY 15:21

Mawsi ryhpa he, hlâno tawhta khi to liata phuah tyhpa châ ta, Pahânoh maihta pakhyna ozy liata rei tyhpa a châpa kha,” tah ta.

HMOTAOPAZY 16:14

Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

2 KAWRINI 3:15

Tanoh taihta, Mawsi châbu ama reina maihta, ama palôh cha khuna ta a khu thlâh ha chy.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

EPHESI 4:18

Ama palôh kuhchhapa vâta pahno leina âmo liata y ta, cha chata ama pahnona pazohsa ta, Khazohpa hrona tawhta pachhaihpa ta ama y.