2 KAWRINI 3:12 - Mara Bible RV (BSI)

¹² Cha hawhpa hnabeiseihna eima hneipa vâta, keimo la eima riah a pha ngaita.

2 KAWRINI 3:12 ပူးပေါင်းရင်းမြစ်များ

ZAWHÂNA 10:24

Zuzy ta vaw chadô ei ta, a hnohta, “Khachâ ma noraihpa ta miah na soh aw? Mesia na châ khiahta cha, a siapa ta miah chho teh,” tah ei ta.

ZAWHÂNA 16:25

“Cha biezy cha pakhona ta nama hnohta ei reipa a châ. Pakhona bie ta cha chho khao leipa ta, a siapa ta Paw thâtih nama hnohta ei rei nawpa daihti a vaw tlô hai.

ZAWHÂNA 16:29

A pachupazy ta, “Tahmâ la a siapa ta bie na reih haw, pakhona bie hmâh khao va chi!

HMOTAOPAZY 14:3

Abeipa liata riahpha ngaitapa ta bie reipa ta, cha liata bohpi y ei ta, Abeipa ta ngiana nata hmonoâhpazy ama ku ta pataosapa ta, a ngiachhiena bie ama reipa cha pahnokhei lymâ ta.

HMOTAOPAZY 4:13

Pity nata Zawhâna riahphazie cha hmô ei ta, châthai leipa nata chyhsa zawrâpa dei ama châpa ama pahno nahta, ama noâh kaw ta. Zisu hnohta a y tyhpa ama châpa pahno ha ei ta.

HMOTAOPAZY 9:27

Bânabâ deikua ta ano cha a pyh ta, lyuhchâpazy lâ vawkhei ta, lâpi liata Abeipa hmô ta, Abeipa ta a hnohta bie â chhopa kyh zy, Dâmaskâ liata Zisu moh ta riahpha ngaitapa ta bie a chhopa kyh zy pachupazy hnohta reih ta.

HMOTAOPAZY 9:29

Krikâh Zuzy hnohta bie reipa ta, ama biezy chakhia tyh ta. Krikâh Zuzy ta Sawla cha thie a chhuah ei ta.

1 KAWRINI 14:19

Chtahrasala Awnanopa pakhyna liata la, reihtheileipa ta biesâ thy kha reipa hlâta, mohropazy ei pachu thei nawpa ei ta, reih theipa ta biesâ miapangawh reipa pha ei tah via.

2 KAWRINI 10:1

Kei, Pawla ta Krista nôphana nata nônaina ta ei châ haw ei. Nama hnohta ei y nota a reisi kaw tyh na ta, ei sie tawhta deikua cha, nama chô liata ei riah a pha kaw tyh.

2 KAWRINI 3:11

Chhâna noh a tlô awpa hmahta rônahna chhaota â vy khiahta cha, y zôzaw awpa chhochhi cha khatlu ta ma a rônah via aw tly!

2 KAWRINI 4:13

“A ngiapâ na ta, chavâta ei reih,” tahpa ropa hawhta, keimo chhao, cha ngiapâna thlahpa cha hneipa ta, a ngiapâ pi ta, chavâta eima reih.

2 KAWRINI 7:4

Nâmo hnohta la, riahpha kawpa ta bie ei reih ngâh. Châ palaikhei ngaita ei na ta, thlalôhna ta ei bie. Eima riethei taona zydua liata alyna ta ei khô pathlah.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

KAOLAOSÂ 4:4

ei rei awpa hawhta ei reih thei nawpa ta thlah na chhâpa teh u.

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

1 TIMAWTHY 3:13

Chakaona rai a phapa ta a hriapa chakaotuhpazy cha, moh phana to aw ei ta, Krista Zisu ngiapâna kyh liata riahphana thata ama hnei aw.

PHILEMAW 1:8

Cha vâna chata, â ngiahpa hmo tao awpa bie cha pie awpa ta, Krista liata cha ngâh thlâh hraw sah la,