2 KAWRINI 3:1 - Mara Bible RV (BSI)

¹ Keimosasyh ta a reipapha eimâ thao heih aw ma? A châ vei khiah, thokha taozie hawhta, nâmo lâ tlyma, nâmo tawhta tlyma, pahnokheina châ eimâ ngiah ma?

2 KAWRINI 3:1 ပူးပေါင်းရင်းမြစ်များ

HMOTAOPAZY 18:27

Apawlôsâ cha Akai lâ sie awpa â chhuah nahta, unawhzy ta a thapatlô ei ta, ano a vaw ly awpa ta pachupazy lâ châ ropa ei ta. A tlô nahta, ngiachhiena vâta ngiapâtuhpazy cha thata bao ta.

RAWMA 16:1

Eima sietanô Phibi, Kenkaria Awnanopa liata chakaotuhpa pahnokheina nâmo lâta ei vaw roh.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

1 KAWRINI 16:3

Chatanachata ei vaw tlô tita, nama hmopiepazy cha Zerusale lâ phaoh awpa ta, chyhsa nama ngâpazy cha châ chhaota ei pasiesa aw ei.

1 KAWRINI 3:10

Khazohpa ta ngiachhiena eina piepa lymâ hawhta, o satuhpa zôthaipa taozie hawhta, kei ta lôbô bô na ta, mohropa ta a chô liata o ama sa. Chyhsa to ta lôbô chô liata o ama sa awpa kyh liata a sohsi chyu mawh ei sy.

1 KAWRINI 4:15

Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

2 KAWRINI 10:12

Âmosasyh a rei paphapa thokhazy cha a rei pâ ngâh leipa pi ta, a pakho ngâh hra ma pi. Châhrasala a thlie raihrie ei ta, amâ pakho tyhpa deikua he cha, novâhna amâ phahlazie a palâsa.

2 KAWRINI 10:18

Anosasyh a reipaphapa ta reithaina hlao hlei leipa ta, Abeipa ta a reipaphapa ta reithaina a hlao tyh.

2 KAWRINI 10:8

Nama rao nawpa châ leipa ta, nâmo taopathi nawpa ta Abeipa ta biehneina eina piepa he ei palaikhei pathlei hapa chhao ta, ei noza aw vei.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

2 KAWRINI 12:19

Eima thaichâna bie eima cha rei thlupa hawhta ma nama pachâ? Kho ngaitapa saih u, nâmo taopathi nawpa ta Khazohpa mohmô ta Krista liata bie eima reipa a châ.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 5:12

Nâmo liata eimâ rei papha heihpa châ vei. Palôh liata a ypa châ leipa ta, chôpho alâna a palaikheipazy a chhy nawpa nata keimo miah namâ palaikhei thei nawpa ta, daihti rypaohpa eima cha piepa a châ.