2 KAWRINI 2:7 - Mara Bible RV (BSI)

⁷ Hrie via awpa hlâta cha, a ngiahthai u la, a thlah palôh teh u. Chataleipatala pachârôhna ta a vaosao pathlei aw na.

2 KAWRINI 2:7 ပူးပေါင်းရင်းမြစ်များ

HLAZY 124:3

Eima chô liata ama hie a hâh no kha, Ahrohpa ta miah palâ ha aw ei ta;

HLAZY 21:9

Nâ vaw luah tita âmo cha meihô hawhta tao aw chi ta, Abeipa ta âmo cha a pathi iapa ta palâ khai aw ta, Meisaih ta a kâ patlô khai aw ei.

HLAZY 57:3

Khazohpa ta a zawngiahna nata a ngâchhihna tuah aw ta, Avâ tawhta vaw tuapa ta na pachha aw ta, Nâ taolatuhpazy maophyuhpa ta a paysa aw. Selah

BIESOZY 1:12

Athihkhih hawhta a hrohpa ta âmo cha palâ sih la, Khaohtlô liata a tlapazy hawhta ama pôhpa dua ta palâ ei suh u.

BIESOZY 17:22

Palôh thaphapa cha thohna phapa châ ta, Palôh pasapa deikua cha ruzy a pahi tyh.

ISAI 28:7

Theihthaipa nata hrohsopa zy chhao ta, Kresawhti vâta a chavia chavô ei ta, Sahma vâta paochheichhâpa ta ama y. Sahma vâta a chavia chavô ei ta, Kresawhti ta âmo cha palâ ta, Sahma vâta paochheichhâpa ta ama y. Aluahna kyh liata pavia pavô ei ta, Bietluna tao nawpa kyh liata ama paochheichhâ tyh.

1 KAWRINI 15:54

Thu theipa cha thu thei leipa ta a tobipa ta, thi theipa cha thi thei leipa ta â tobi tita, “Thina cha pahniena ta a palâ haw.

2 KAWRINI 2:8

Chavâta a chô liata nama kyhpachâna pa-i awpa ta ei châ haw ei.

2 KAWRINI 5:4

He lei byureih liata eima y chhôh cha phaohripa ta eimâ rôh tyh. A tobi leipa ta y awpa eima khohpa vâta châ leipa ta, a tobi via awpa eima khohpa vâta tlao a châ. Chatanachata he thi theipa he hrona ta a palâ ha aw.

2 KAWRINI 7:10

Khazohpa liata pachârôhna cha, pachha châ nawpa ta rona tlôkhei ta, angiapachhina y vei. Khizaw pachârôhna deikua cha, thina a tlôkhei tyh.

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

PHILIPI 2:27

Thi daihmâna taihta a pasapa châ tlai ta, châhrasala Khazohpa ta ano cha ngiachhie ta, ano a ngiachhiepa dei châ leipa ta, pachârôhna chôta pachârôh via heihna ei tyh lei nawpa ta, kei eina ngiachhiepa a châ hra.

KAOLAOSÂ 3:13

A chhyh thai raihrie u la, nama likah liata biepeipa a y khiahta cha, a ngiahthai raihrie teh u. Abeipa ta a châ ngiahthai hapa hawh ei ta, nâmo chhao namâ ngiahthai hra awpa a châ.

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

2 THYSALAWNIKA 3:6

Unawh saih u, keimo tawhta pachuna bie nama daopa hawhta y leipa ta, thathipa ta a ypa unawh tawhta a panano awpa ta eima Beipa Zisu Krista moh ta bie eima cha pie.