3 Ei vy tita, nâ palysa awpazy ta eina pasasa lei nawpa ei chi ta, kha châ kha ei ropa tlai a châ. Keima alyna cha nama zydua alyna a châ hra tahpa nama zydua ta ei cha ngâ ei.
Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.
Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.
Cha vâna chata nama hnohta ei y vei nota, he biezy he ei ropa a châ. Chatanachata ei vy tita, Abeipa ta biehneina eina piepa ei hmâna kyh liata, pasa kawpa ta hmâh leipa ta ei y thei aw. Parao nawpa châta châ leipa ta, padua nawpa châta Abeipa ta biehneina eina pie.
Chavâta nama hnohta châpaphaopa vaw roh hraw sah la, moleina hmo a taotuhpa vâta roh leipa na ta, moleina pasa a taotuhpa vâta roh hra va na. Keimo châta phahnai namâ ngiahzie Khazohpa mohmô ta nama hnohta palâsapa ta a y thei nawpa ta ei roh.
Ei châpaphaopa vâta nama pachâ ei cha parôhsa ei tahpa vaw pahno na ta, buakha chhôh pachârôhna a châpa chhao ta, ei ngiapachhi kaw. Châhrasala a ngiapachhi khao va na.
Ama hnohta eima unawhpa eima vaw pasiesa. Ano cha ei hluhpi pasia pi ta, kyh hluhpi liata phahnai a ngiah ngaitapa chyhsa châ ta, tahmâ chhochhi cha a cha ngâ kawpa vâ ei ta, nâmo lâ a vy awpa phahnai â ngiah pachai.