2 KAWRINI 2:14 - Mara Bible RV (BSI)

¹⁴ Krista liata pahniena ta khâ miah a chhituhpa nata keimo hmâpa ta su to liata ano pahnona ropahâhpa a patheisatuhpa Khazohpa cha reithaipa ta y mawh sy.

2 KAWRINI 2:14 ပူးပေါင်းရင်းမြစ်များ

HLAZY 106:47

Hy Abeipa eima Khazohpa, Miah pachha la, Râh to tawhta miah pakhy heih mah y; Chatanachata na moh pathaihpa chô liata alyna bie reih aw pi ta, Na moh reithaipa ta eima cha parônahsa aw.

HLAZY 148:14

A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!

HLAZY HLA 1:3

Na sathawzy chhao a roh a pahâh ngaita. Na moh cha sathaw ropahâhpa patlaipa hawhta châ ta, Chavâta laihsazy ta ama cha khoh ngaita.

EZEKIA 20:41

Phopizy hry tawhta châ chhi papuapa ta, hiepatlapa ta nama yna râhzy tawhta ei cha pakhy ti ei ta, ropahâhpa châta châ pyh aw ei na ta, ei pathaihna cha phopizy mohmô liata nama hry liata ei palâsa aw, Abeipa Zehôvâh ta a tah.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

RAWMA 1:8

A hmiatua chai ta, namâ ngiapâna kyh Khizaw zydua liata a pathâhpa vâta, nama zydua châta Zisu Krista moh ta ei Khazohpa lâ alyna bie ei reih.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

RAWMA 6:17

Châhrasala Khazohpa cha reithaipa ta y mawh sy! Nâmo, eikhano ta moleina sei a châ tyhpazy chi kha, ama pachunazy palôh hmeiseihpa ta a zyhtuhpazy nama vaw châ haw.

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

1 KAWRINI 12:8

Chyhsa pakha hnohta Thlahpa liata sona bie piepa châ ta, chyhsa hropa hnohta Thlahpa lia lilaw ta pahnona bie piepa a châ.

1 KAWRINI 15:37

Sâh chi nata chihropazy he, a kô pabu pâ leipa chi ta, a chi deita ta na pabu tyh.

1 KAWRINI 15:57

Châhrasala eima Beipa Zisu Krista zawhzi ta pahniena miah pietuhpa Khazohpa cha reithaipa ta y mawh sy.

2 KAWRINI 1:11

Chyhsa hluhpi thlahchhâna vâta byhnâ to pi ta, chyhsa hluhpi ta keimo vyuhpa ta alyna bie ama rei thei nawpa ta, thlahchhâ miah bao muh vy.

2 KAWRINI 8:16

Kei ta nama châta phahnai ei ngiahpa hawhta, Titu liata phahnai ngiahna a pahneisatuhpa Khazohpa cha reithaipa ta y mawh sy.

2 KAWRINI 9:15

A hmosaipiepa rei tiah leipa vâta Khazohpa hnohta alyna bie y mawh sy!

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

1 THYSALAWNIKA 1:8

Abeipa bie cha nâmo tawhta Mâsidônia nata Akai râhzy liata a pathâhpa dei châ leipa ta, Khazohpa namâ ngiapâna kyh cha su to liata pathâh ta, chavâta keimo ta khâpa hmah eima rei awpa byuh khao vei.

1 THYSALAWNIKA 3:9

Nâmo vâta eima Khazohpa hmiakô liata eimâ lyna zydua vâna heta, Khazohpa lâta alyna bie rei tiah lei eimâ bâh.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.

BIEPHUAH 7:12

“Amen! Reithaina, rônahna, sona, alyna biereina, palyupalihna, hmotaotheina nata thatlôna zy cha chhâzaw nata tlyzaw ta eima Khazohpa hnohta y mawh sy! Amen,” tahpa ta Khazohpa a chhy ei ta.