2 KAWRINI 2:12 - Mara Bible RV (BSI)

¹² Krista thâtihpha chho awpa ta Tarôsa khih ei vaw tlô nona kha, Abeipa ta ochhi na pahypa ta.

2 KAWRINI 2:12 ပူးပေါင်းရင်းမြစ်များ

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

HMOTAOPAZY 16:11

Tarôsa tawhta balyh ta pua pi ta, Samôthe khihpi lâ palâh pi ta, a mylâ ta Nipôli khihpi lâ sie pi ta.

HMOTAOPAZY 16:8

Mysia râh cha siepahlie ei ta, Tarôsa khih lâ zu ei ta.

HMOTAOPAZY 20:8

Eimâ hmaohna ochô chhôhpadâhpa liata meiôh hluhpi y ta.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

1 KAWRINI 16:9

Chakaona hlaotloh nawpa ta ei châta ochhi kawh ngaitapa â pahy. Dyuhtuhpazy chhao ama hluh ngaita.

1 KAWRINI 9:12

Mohropazy hmahta chyh awpa ama châ hnaw khiahta cha, keimo chhochhi cha châ hnaw via pachai awpa châ ma pi ma? Châhrasala keimo la, cha tovyuh cha a hnaw ma pi. Krista thâtihpha eima pakhâpadie lei nawpa ta, riethei to tlao eima tao lylia.

1 KAWRINI 9:14

Cha hawhna chata, thâtihpha chhotuhpazy châta, thâtihpha cha ama nie hmôna châ awpa ta Abeipa ta bie a pie.

1 KAWRINI 9:16

Thâtihpha ei chhopa chhao heta, a palai nawpa hnei va na. Tao lei thei lei awpa ta ei chô liata a pahnieh tlôh ta. Thâtihpha ei chho vei khiahta la, ei hu a po aw!

2 KAWRINI 10:14

Keimo ta thâtihpha eima chho leina liata eima vaw pakawh laihpa châ vei. Keimo he thâtihpha chho awpa ta nâmo lâ a vaw tlô tua chaipa eima châ.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

2 KAWRINI 11:7

Thâtihpha a saipa ta cha chho ei na ta, palyupalihpa ta nama y thei nawpa ta, keimasasyh ta ei panawhpa cha, moleina hmo a taopa ei châ rai ma?

2 KAWRINI 4:3

Eima thâtihpha he khupa a châ khiahta cha, leidia haipazy châ dei ta khupa ta a y.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 8:18

A hnohta unawh pakha eima vaw tuah. Ano cha thâtihpha chhona kyh liata Awnanopa zydua ta ama reithaipa a châ.

2 KAWRINI 9:13

Cha chakaona cha, Krista thâtihpha namâ pyhpa vâta, Zerusale liata mopathaihpazy châta nata mohropazy châta riapha ngaitapa ta nama thyupa a châzie ama pahno tita, Khazohpa ama palyupalih aw.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

1 THYSALAWNIKA 3:2

Chatanachata Krista thâtihpha liata eima unawhpa nata Khazohpa eima chakaolâhpa Timawthy cha, namâ ngiapâna pa-i awpa nata tha cha patlô awpa ei ta eima vaw tuah.