2 KAWRINI 13:7 - Mara Bible RV (BSI)

⁷ Hmo nama parao lei nawpa ta Khazohpa lâ thlah eima cha chhâpa tyh. Pasiana liata a tlohpa hawhta keimo eimâ lâ thei nawpa châ vei. Keimo la a tloh leipa hawhta a lâ hra sih la, nâmo chhâ ta hmo dopa nama tao thei nawpa ta a châ.

2 KAWRINI 13:7 ပူးပေါင်းရင်းမြစ်များ

1 THÂTIHZYRONA 4:10

Zabia ta Izarei Khazohpa pado ta, a hnohta, “Byhnâ na piepa ta, ei râh he na pakawhpa la ei tah kaw dia! Ei chô liata na ku y sala, riethei pasana ei chô liata a tlô lei nawpa ta, nâ pasasa thei awpa tawhta na pabohsa mah y!” tah ta. Khazohpa ta a hiapa cha pie ta.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

ZAWHÂNA 17:15

Âmo cha khizaw tawhta la awpa ta châ haw va na, moleipa tawhta hrôbieh awpa ta ei châ haw.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 12:17

Ahy moleina rai moleina ta viarithô leipa u la, chyhsa zydua mohmô ta hmo dopa tao awpa ta pachâna tlao hmâh tyh muh vy.

RAWMA 13:13

Nohchhô ta ypa hawhta â ngia ngaitapa ta y sih la, apatlapa nata sahma paripa ta y leipa ta, parâpa nata apheipa ta y hra leipa ta, ahryuchhiapa nata hiatliapa ta y khah ei suh u.

RAWMA 16:10

Krista liata chyhsa hmeiseihpa Apele kha nâ naohpa muh vy. Aristôbulâ chhôhkhazy kha nâ naohpa muh vy.

1 KAWRINI 11:19

Nama hry liata a hmeiseihpazy amâ lâ thei nawpa ta, py achhaihna chhao cha a y awpa rai a châ.

2 KAWRINI 10:10

Thokha ta, “A châpaphaopazy a hri ta, a tha chhao tlô ta, a pôhpa deikua chiehleipa châ ta, a biereipa chhao khâpa hmah châ vei,” eina tah ei.

2 KAWRINI 10:18

Anosasyh a reipaphapa ta reithaina hlao hlei leipa ta, Abeipa ta a reipaphapa ta reithaina a hlao tyh.

2 KAWRINI 13:6

Keimo deikua cha pasiana tloh leipa ta y ma pi tahpa nama pahno na ta ei hnabei a seih.

2 KAWRINI 13:8

Biehmeiseihpa a dyuhpa ta khâpa hmah tao thei ma pi. Biehmeiseihpa châ deita ta hmo to eima tao tyh.

2 KAWRINI 13:9

Keimo eima chieh vei no chhao ta, nâmo thatlôpa ta nama ypa cha eimâ ly chaina a châ. Phapakipa ta nama y thei nawpa ta thlah eima chhâ lymâ.

2 KAWRINI 6:4

Khazohpa chakaotuhpazy eima châpa hawhta, kyh to liata chyhsa modypa ta eima y. Thata pasa taona liata zy, riethei taona liata zy, rairuna liata zy, pachârôhna liata zy;

2 KAWRINI 8:21

Abeipa mohmô lia dei châ leipa ta, chyhsa mohmô liata chhao adona palâsa eimâ chhuah.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

1 TIMAWTHY 2:2

Thlalôhpa nata chhôhmohpa ta ypa ta, Khazohpa a pachâpa nata zachhihpazy eima châ lymâ thei nawpa ta, beizy nata biehneituhpa zydua châta thlahchhâ tyh awpa ta ei châ haw ei.

2 TIMAWTHY 2:15

Biehmeiseihpa â do ngaitapa ta a siekheipa raihriatuhpa cha, noza awpa a châ leipa hawhta, a pyh tlâhpa ta Khazohpa hmiakô liata nâ duah thei nawpa ta, na theina zydua papua mah y.

2 TIMAWTHY 4:18

Abeipa ta moleipa zydua tawhta na pachha aw ta, a vâ khinarâh lâ â bohpa ta eina tlôkhei aw. A hnohta chhâzaw nata tlyzaw ta rônahna y mawh sy. Amen.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.