2 KAWRINI 13:5 - Mara Bible RV (BSI)

⁵ Ngiapâna liata nama y ma tahpa nâmosasyh ta a mohpasia u la, nâmosasyh ta a pasia teh u. Zisu Krista cha nâmo liata a y tahpa nâmo tlai ta pahno veih ei chi mâ? Pasiana liata a tloh leipa nama châ vei khiahta cha, nâmo ta nama pahno aw.

2 KAWRINI 13:5 ပူးပေါင်းရင်းမြစ်များ

HLAZY 119:59

Ei hroziezy pachâ sualuah na ta, Na bieraopazy lâta ei pheizy chakâ na ta,

HLAZY 17:3

Ei palôh na moh chi ta, Zâ ta eina vaw tly chi; Na pasia chi ta, Khâpa hmah hmô va chi; Ei pakah ta molei lei awpa ta khâchâ ei chhuah haw.

HLAZY 26:2

Hy Abeipa, nâ chupa ta na mohpasia la, Ei pathipalôh nata ei pachâna pasia mah y.

ZEREMIAH 6:30

Abeipa ta a dytha hapa vâ ei ta, Tâkâ sôh leipa tahpa ama châ aw.”

CHAPHÔHTUNA 3:40

Eima lâpizy pasiapa ta pakhâta ta moh sih la, Abeipa lâ kua heih suh u!

EZEKIA 18:28

A pachâ pasia ta, moleina a vaw tao hapa zydua â heihsai hapa vâta, a hroh tlai awpa a châ; a thi awpa châ vei.

HÂKAI 1:5

Chavâta Pheisaihzy Abeipa ta hetana heta a tah: Nama lâpizy pakhâta ta moh teh u.

HÂKAI 1:7

“Pheisaihzy Abeipa ta hetana heta a tah: Nama lâpizy pakhâta ta moh teh u.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 15:4

Keima liata y thlâh ha teh u, kei chhao nâmo liata ei y thlâh ha aw. A chiah cha kre zôh liata a y thlâh ha leipa khiahta cha, ano dei ta a pathei thei leipa hawhta, nâmo chhao keima liata nama y thlâh ha leipa khiahta cha, pathei thei aw veih ei chi.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

ZAWHÂNA 17:26

Ama hnohta na moh pahnosa na ta, ei pahnosa lymâ aw. Chatanachata kyh eina pachâna chi kha âmo liata y aw ta, kei chhao âmo liata ei y lymâ aw,” tah ta.

ZAWHÂNA 6:56

Ahy rai ei sapa nie ta, ei thisaih a dohpa cha, keima liata a y thlâh ha tyh, kei chhao ano liata ei y thlâh ha tyh.

ZAWHÂNA 6:6

Cha bie cha Phili pasia nawpa ta a reipa a châ, a tao awpa cha pahno thlâh ha ta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 8:10

Châhrasala Krista cha nâmo liata a y khiahta cha, moleina vâta nama pôhpa cha thi hra sala, nama thlahpa deikua cha siana vâta a hroh.

1 KAWRINI 11:28

Chavâta chyhsa ta anosasyh a pasia sala, cha khai tawhta, viahchhâ cha niepa ta, nyu cha doh mawh sy.

1 KAWRINI 11:31

Keimosasyh ta eimâ mohpasia ha khiahta cha, thaileichâpa ta y aw ma pi.

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

1 KAWRINI 6:15

Nama pôhpa cha Krista pachiahpazy a châ tahpa pahno veih ei chi mâ? Cha khiahta la, Krista pachiahpazy cha lapa ta, âzuahnô pachiahpazy ta ei tao aw ma? Tao beih aw va na!

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

1 KAWRINI 6:2

Mopathaihpazy ta khizaw ama pachia aw tahpa pahno veih ei chi mâ? Khizaw hmah nama pachia awpa khiahta cha, hmo chynawhpazy nama pachia thei lei nawpa khâpa a y?

1 KAWRINI 9:24

Arâpasuana liata ama zydua ta a râ ei ta, châhrasala pakha ngâlâh ta lymâ a hmô tyh tahpa pahno veih ei chi mâ? Lymâ hmô awpa ta a râ teh u.

1 KAWRINI 9:27

Mohropazy thâtihpha ei chho khai tawhta, keima chaipa he lymâ hmô tlâh leipa ei châ pathlei lei nawpa ta, ei pôhpa he a vaopahnie na ta, ei biehneina ry liata ei soh tyh.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

KALATIA 6:4

Chyhsa to ama hmotaopa chyu mohpasia mawh ei sy. Chatanachata mohropa nata a pakho leipa ta, anosasyh a palaikhei nawpa chhâpa a hnei aw.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 2:19

Cha hawhpa chyhsa chata Luh cha khâchâ patu vei. Luh ta pôhpa pachiahpa a pazaopakhypazy chyh ta, Khazohpa khozie hawhta ama laiseih lymâ.

KAOLAOSÂ 2:7

ano liata thari thlapa ta a duah u la, pachuna nama daopa hawhna khata ngiapâna liata â i ngaitapa ta ypa ta, alyna bie reih tyh muh vy.

1 TIMAWTHY 2:15

Châhrasala ngiapâna nata kyhpachâna nata pathaihna hneipa ta, hrozie ngiapa ta ama hroh khiahta cha, saw sana vâta pachhapa ama châ aw.

2 TIMAWTHY 3:8

Zane nata Zambare ta Mawsi amâ dyuhpa hawhna khata, cha chyhsazy ta biehmeiseihpa amâ dyuh tyh. Palôh moleipa, ngiapâna kyh liata tloh leipa ama châ.

TITU 1:13

Cha bie cha â do. Chavâta ngiapâna liata â dopa ta ama y thei nawpa ta, a pasa kawpa ta âmo cha chhorei mah y.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

TITU 2:2

Pawhrâhpazy cha palôh pasohpa, zachhihpa, a sohsi theipa, ngiapâna patapa, kyhpachâna a hneipa nata daotheipa chyhsazy châ awpa ta pachu mah y.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

HEBRAI 6:8

Chhaohlei ta ahloh nata bôbawzy a papua khiahta deikua cha, hnypa ta y ta, chhiesa thlupa châ ta, a chhâ nawpa cha mei ta rao awpa a châ.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

1 PITY 5:9

Khizaw zydua liata nama unawhzy chô liata chhao, cha hawhta pasataona cha a tlô hra tahpa pahnopa ta, ngiapâna liata â ipa ta y u la, ahripa a dyuh teh u.

BIEPHUAH 2:5

Chavâta na paosai hapa kha a thei la, ro la, hmiatua ta na tao tyhpa hmozy kha tao heih mah y. Chataleipatala nâ lâ a vy aw na ta, na ro vei khiahta cha, na meiôh patyuna kha a su tawhta ei pasie aw.