2 KAWRINI 13:14 - Mara Bible RV (BSI)

¹⁴ Abeipa Zisu Krista ngiachhiena, Khazohpa kyhpachâna nata Thlahpa Pathaihpa akaona cha nama zydua hnohta y mawh sy.

2 KAWRINI 13:14 ပူးပေါင်းရင်းမြစ်များ

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 7:38

Ahy rai nâ ngiapâpa cha, Biehrai ta a reipa hawhta, ‘Ti hrohpa chavahzy a chhôh tawhta a vaw loh aw,’” tah ta.

HMOTAOPAZY 15:11

Keimo chhao, âmo chhao, Abeipa Zisu ngiachhiena vâta pachhapa ta eima y aw tahpa a ngiapâpa eima châ khai,” tah ta.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

RAWMA 16:23

Ei tlôna paw, Kaiâ, Awnanopa a pakhy tyhna o hneituhpa ta a châ naoh ei. Khihpi sôh avaotuhpa Erastâ nata eima unawhpa Kuatâ ta ama châ naoh.

RAWMA 16:27

Khazohpa sopa a y chhôhpa hnohta, Zisu Krista vâta chhâzaw ta rônahna y mawh sy! Amen.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 8:39

asâhna nata athuna tlyma, hmotaopa zydua liata hmo hropa khâpa ta hmah eima Beipa Krista Zisu liata a ypa Khazohpa kyhpachâna tawhta miah pachhaih thei aw vei tahpa a sia ngaitapa ta ei pahno.

RAWMA 8:9

Châhrasala Khazohpa Thlahpa nâmo liata a y khiahta cha, sapa ta a ypa châ leipa ei chi ta, Thlahpa ta a ypa tlao nama châ. Ahy rai Krista Thlahpa a hnei leipa cha ano chyhsa châ vei.

1 KAWRINI 12:13

Eima zydua ta, Zuzy chhao, Krikâhzy chhao, sei chhao, khotalaipa chhao, pôhpa miakha châ awpa ta Thlahpa miakha ta bâti pachâsapa châ pi ta, Thlahpa miakha tawhta padosapa eima châ khai.

1 KAWRINI 14:16

Na thlahpa ta alyna bie na reih khiahta cha, reihtheileipa hmopiepa a to leipa ta na biereipa pahno leipa aw ta, kheihta ma alyna bie na reipa cha “Amen” a tah thei aw?

1 KAWRINI 16:23

Abeipa Zisu ngiachhiena nama hnohta y mawh sy.

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 2:18

Ano siepahliepa ta Thlahpa miakha ta Paw a hnia theina eima py no ta eima hnei.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

EPHESI 6:23

Paw Khazohpa nata Abeipa Zisu Krista tawhta thlalôhna nata ngiapâna a hlaopa kyhpachâna cha, unawhzy hnohta y mawh sy.

PHILIPI 2:1

Krista liata thapatlôna, a kyhpachâna vâta thlalôhna, Thlahpa akaona, thapasana nata ngiachhiena zy nâmo liata a chyhta chhâ a y khiahta cha,

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.

1 ZAWHÂNA 3:24

A biepiepazy a zyhpa cha Khazohpa liata y ta, Khazohpa chhao ano liata a y. Thlahpa miah a piepa liana heta, Khazohpa cha keimo liata a y tahpa eima pahno.

ZUDÂH 1:21

Khazohpa kyhpachâna liata a pabohsa u la, eima Beipa Zisu Krista ngiachhiena, chhâzaw hrona lâ a chhi theipa cha hâ muh vy.