2 KAWRINI 13:1 - Mara Bible RV (BSI)

¹ He he nâmo lâ ei vy ei thôhna awpa a châ. Leihna biezy cha pahnokheituhpa pano tlyma, pathôh tlyma bie ta pa-i awpa a châ.

2 KAWRINI 13:1 ပူးပေါင်းရင်းမြစ်များ

1 ABEIZY 1:14

Abei bie na chho hai nota kei chhao a vaw ngia aw na ta, na biezy ei vaw pa-i aw,” tah ta.

1 ABEIZY 21:10

Ano dady ta chyhsa dyutlai leipa pano patyusa aw ei chi ta, ‘Khazohpa nata abei chô liata chhie na sa’, tahpa ta ama vaw leih aw. Chatawhcha puakhei aw ei chi ta, alô ta nama vawhsao aw,” tah ta.

1 ABEIZY 21:13

Ano dady ta chyhsa dyutlai leipa pano a vaw tyuh ei ta. Dyutlai leipa pano ta zawpi hmiakô liata Nâbô cha vaw leih ei ta, “Nâbô heta Khazohpa nata abei chô liata chhie a sa,” tah ei ta. Chatanachata khihpi khôtho lâ puakhei ei ta, alô ta vawh ei ta, thi ha ta.

MALUHREINA 35:30

Chyhsa ta chyhsa a thie khiahta cha, pahnotuhpazy pakah tawhta bie a puapa ta thie awpa a châ. Châhrasala pahnotuhpa pakha bie dei ta chyhsa ahy hmah thie awpa châ vei.

MATHAI 18:16

A cha nathlie vei khiahta cha, bie to pahnotuhpa pano tlyma, pathôh tlyma pakah liata pa-ipa ta a y thei nawpa ta, chyhsa hropa pakha tlyma, pano tlyma, na hnohta a chhi mah y.

2 KAWRINI 12:14

Pachâ tua u, tahmâ he nâmo lâ a vy awpa ei chhuahna a ei thôhna a châ. Nama phao cha pahri aw veih ei na. Nama hmo hneipa tlua a chhuah leipa na ta, nâmo tlao ei cha tlua ei. Sawzy ta nôpawzy châta ryu ama pachôpa awpa châ leipa ta, nôpawzy ta sawzy châta ryu ama pachô tyh.

RYHPACHANEINA 17:6

Thie awpa cha, pahnokheituhpa pano tlyma, pathôh tlyma pahnokheina bie ta thie awpa a châ. Pahnokheituhpa pakha bie ta thie awpa châ vei.

RYHPACHANEINA 19:15

“Ryhpa paraopa vâta tlyma, kheihawhpa hmo paraopa vâta tlyma leihpa chyhsa cha, pahnokheituhpa pakha bie ta thailei pachâsa awpa châ vei. Pahnokheituhpa pano bie ta tlyma, pahnokheituhpa pathôh bie ta tlyma pa-i awpa a châ.