2 KAWRINI 12:7 - Mara Bible RV (BSI)

⁷ Aluahna rônah ngaitapa ei hmôpazy vâta ei palai tu pathlei lei nawpa ta, ei pôhpa liata ahloh piepa ei châ. Cha ahloh cha, ei palai tu pathlei lei nawpa ta, ei pôhpa liata pasana na pie awpa ta Sâtâ lyuhchâpa a châ.

2 KAWRINI 12:7 ပူးပေါင်းရင်းမြစ်များ

ÂTHAONA 32:25

Cha chyhsa chata Zakaw cha a pahnie thei lei awpa a pahno nahta, a chakhai liata hria ta, â pia hai nota, Zakaw cha a chakhai a pahleih ha ta.

ÂTHAONA 32:31

Penia a khô nahta, a chô liata noh vaw chhi pâ ha ta. A chakhai â pahleih hapa vâta chabiah laih ta.

2 THÂTIHZYRONA 26:16

Châhrasala thatlôpa ta a vaw y nahta, Uzia cha a palai ta, cha chata ano châta raona a tlôkhei haw. Abeipa a Khazohpa châta ngâchhih leipa ta y ta, ropahâhpa maisâh liata ropahâhpa rao awpa ta Abeipa Achhyna o lâ a ngia ta.

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

ZAWBÂ 2:6

Abeipa ta Sâtâ hnohta, “Moh teh, ano cha na ku liata a y. A hrona deikua na pahlôh awpa a châ,” tah ta.

ZAWBÂ 2:7

Sâtâ cha Abeipa hmiakô tawhta pua ta, Zawbâ cha a pheipazah tawhta a laki taihta kheihluh ru ngaitapa pathlasa ta.

EZEKIA 28:24

“Izarei pathlazy a chhô awpa ahloh y khao leipa aw ta, ama chheipâh liata âmo a mohnao kaw tyhpazy hry liata chhao, Izarei a pasasa awpa ahloh y khao aw vei. Chatanachata kei he Abeipa Zehôvâh ei châ tahpa ama pahno aw.

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

HÔSIA 2:6

Chavâta ahloh buhzy ta a lâpi pamaipa ta, Thokhy taokhâh aw na ta, A sie nawpa pahno aw vei.

MALUHREINA 33:55

A râh liata a pahrâpazy nama hmiakô tawhta nama papua khai vei khiahta deikua cha, nama paysapazy cha nama mo liata mobâ hawhta châ aw ei ta, nama kâ liata ahloh hawhta cha chho aw ei ta, nama pahrâna râh liata châ patypamâtuhpazy ama châ lymâ aw.

MATHAI 26:67

A hmia liata ama pachih ta pachhao ei ta, tu ei ta, thokha ta chabaih ei ta,

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

LUKA 13:16

He chanô, Abarahâ sawchanô, Sâtâ ta kô hrawh hleicharie a chahry hapa he, Pahânoh chhao rai châ sala, pathlâ awpa cha tao hialia awpa châ vei ma?” tah ta.

1 KAWRINI 4:11

Tahmâ taih chhao heta nodipa ta eima dâhphi ta, chysia miah vao leipa ta, taochhiepa ta y pi ta, o chhao hnei ma pi.

1 KAWRINI 5:5

Cha chyhsa cha, Abeipa Noh liata a thlahpa pachhapa a châ nawpa ta, a sapa cha pahleipadia awpa ta Sâtâ hnohta pie muh vy.

2 KAWRINI 10:10

Thokha ta, “A châpaphaopazy a hri ta, a tha chhao tlô ta, a pôhpa deikua chiehleipa châ ta, a biereipa chhao khâpa hmah châ vei,” eina tah ei.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.

2 KAWRINI 11:20

Chyhsa ta sei ta cha tao ei sala, cha nie khai ha ei sala, cha tlybai ei sala, âmo hmia a pasah ei sala, nama hmia liata cha chabaih ei sala, nâmo la nama chhyh thei.

2 KAWRINI 12:1

Ei palai via heih tua aw. Phahnaina y vei hra sala, Abeipa aluahna nata biephuahpa kyh ei reih tua aw.

KALATIA 4:13

Nama hnohta thâtihpha ei cha vaw chho tua no ei kha, sapa chiehleina vâta a châpa nama pahno.

RYHPACHANEINA 17:20

Chatanachata a palôh lai leipa aw ta, a unawhzy chô lâta a soh aw vei. Biepiepa cha chachâh lâ tlyma, chavei lâ tlyma tlei sai leipa aw ta, â beina Izarei râh liata ano nata a pathlazy bohpi amâ bei thei aw.

RYHPACHANEINA 8:14

nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.

1 TIMAWTHY 3:6

Ngiapâ thiehpa chyhsa a châ awpa châ vei. Chataleipatala a palai aw ta, ahripa thailei pachâsana liata a pao pathlei aw.

RYUREITUHPAZY 2:3

Chavâta tahmâ ei cha chho ei. Âmo cha nama hmiakô tawhta papua khao aw veih ei na. Nama kâzy liata ahloh hawhta cha chhô aw ei ta, ama khazohzy cha nama châta khoheih ama châ aw,” tah ta.