2 KAWRINI 12:21 - Mara Bible RV (BSI)

²¹ Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

2 KAWRINI 12:21 ပူးပေါင်းရင်းမြစ်များ

EZRÂ 10:1

Ezrâ cha Khazohpa o hmiakô liata â khu lâta pao ta, chana chôta thlahchhâ ta, moleinazy palâhâh ta reihpha a chei hai nota, Izarei saw hluhpi, chapawzy, chanôzy nata hawtizy ano lâ a vaw hmaoh ei ta, aoh tlili ta cha ei ta.

EZRÂ 9:3

Cha thâtih cha ei theipa nahta, ei viahkao nata ei poh hrie nata, ei sâ nata ei kâhhmi phia na ta, a pachâna pahno leipa ta a tyuh na ta.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

PUASAINA 32:31

Chatanachata Mawsi cha Abeipa lâ khy heih ta, a hnohta, “He phopi heta moleina lai ngaitapa ama tao haw. Ngôh khazoh amâ tao.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

RAWMA 13:13

Nohchhô ta ypa hawhta â ngia ngaitapa ta y sih la, apatlapa nata sahma paripa ta y leipa ta, parâpa nata apheipa ta y hra leipa ta, ahryuchhiapa nata hiatliapa ta y khah ei suh u.

RAWMA 9:2

Ei palôh liata rietheina ru ngaitapa nata pachârôhna lei thei leipa ei vao thlâh haw.

1 KAWRINI 5:1

Nama hry liata apatlana a ypa kyh thata a pathâh. Chyhsa pakha ta a paw lapinô ykhei ta, cha hawhpa hmo cha ngiapâleipazy hry lia hmahta a y beih leipa a châ.

2 KAWRINI 10:6

Nama reingiahna pakipa a châ tita, reingiah leina zydua hrie awpa eimâ mâ thlâh haw.

2 KAWRINI 12:7

Aluahna rônah ngaitapa ei hmôpazy vâta ei palai tu pathlei lei nawpa ta, ei pôhpa liata ahloh piepa ei châ. Cha ahloh cha, ei palai tu pathlei lei nawpa ta, ei pôhpa liata pasana na pie awpa ta Sâtâ lyuhchâpa a châ.

2 KAWRINI 13:2

Nâmo lâ ei vy ei nona liana khata zikyu ei châ râ ha ei. Tahmâ ei vy hlâta zikyu ei châ râ chanei ei. Ei vy heih tita, kha hlâta moleina a vaw taopazy nata mohropazy pahlôh aw veih ei na.

2 KAWRINI 8:24

Chavâta he chyhsazy kyh nama pachâna cha, Awnanopazy hmiakô liata palâsa u la, eima châ palaikheina â dozie chhao, he chyhsazy chô liata vaw palâsa muh vy.

KALATIA 5:19

Sapa hmotaopazy cha a lâ thlâh ha ta, hezy he a châ: Apatlana, palôh pathaih leina, parâna,

RYHPACHANEINA 9:15

Chatanachata a heih na ta, tlâh tawhta za chô na ta, tlâh cha mei ta kâ hai ta, biehrai lôphia miano cha ei ku kârano ta chaba na ta.

RYHPACHANEINA 9:25

“Cha pahleipadia awpa ei ta Abeipa ta bie a reih hapa vâta, Abeipa hmiakô liata pao na ta, noh sypalih nata zâ sypalih ei pao.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

ZUDÂH 1:23

mohropazy mei tawhta chhu u la, pachha teh u. Ahropazy chhao china chôta thapasa u la, sapa moleina a baipa chyhsiazy taih a hao teh u.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!

1 SAMUELA 15:35

Cha noh tawhna chata Samuela cha a thi noh taihta Sawla a hmô khao vei. Chatanachôta Samuela cha Sawla vâta a pachâ a rôh ngaita tyh. Abeipa ta Izarei chô liata bei châ awpa ta Sawla a vaw taopa cha â ngiapachhi ngaita.