2 KAWRINI 12:16 - Mara Bible RV (BSI)

¹⁶ Nama phao ei cha pahri leipa kyh liata, chyhsa pasi nawpa tluapa ta, piehpiena ta hmo a taopa hawhta eina pachâ ei chi.

2 KAWRINI 12:16 ပူးပေါင်းရင်းမြစ်များ

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 11:20

Chyhsa ta sei ta cha tao ei sala, cha nie khai ha ei sala, cha tlybai ei sala, âmo hmia a pasah ei sala, nama hmia liata cha chabaih ei sala, nâmo la nama chhyh thei.

2 KAWRINI 12:13

Khâpa kyh liata ma Awnanopa hropazy hlâta nama nawh via? Nama phao ei cha pahri leipa ei liata ma? Ei tao pado leipa khiahta cha, nâ ngiahthai teh u.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 KAWRINI 6:8

rônahna nata nozana liata zy, reipachhiena nata reithaina liata zy, modypa ta eima y tyh. Chyhsa dopa châ pi ta, châhrasala chyhsa dôvei thaipa hawhta miah ama pachâ.

2 KAWRINI 7:2

Nama palôh liata su miah pie teh u. Ahy pei hmah hria leipa pi ta, ahy hmah parao leipa pi ta, ahy hmah dôvei beih ma pi.

1 THYSALAWNIKA 2:3

Eima châ hawna kha haiphiana bie tlyma, palôh pathaih leipa tawhta bie a puapa tlyma châ leipa ta, dôvei eima châ chhuahpa châ hra vei.

1 THYSALAWNIKA 2:5

Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.

1 PITY 2:3

Abeipa phana nama padi ha hih.