2 KAWRINI 12:14 - Mara Bible RV (BSI)

¹⁴ Pachâ tua u, tahmâ he nâmo lâ a vy awpa ei chhuahna a ei thôhna a châ. Nama phao cha pahri aw veih ei na. Nama hmo hneipa tlua a chhuah leipa na ta, nâmo tlao ei cha tlua ei. Sawzy ta nôpawzy châta ryu ama pachôpa awpa châ leipa ta, nôpawzy ta sawzy châta ryu ama pachô tyh.

2 KAWRINI 12:14 ပူးပေါင်းရင်းမြစ်များ

BIESOZY 11:30

Mosiapa thei cha hrona tho châ ta, Chyhsa hro a pahnietuhpa cha asopa a châ.

BIESOZY 13:22

Chyhsa phapa cha a samohzy to awpa taihta ryu siesai ta, Moleipa sôh deikua cha mosiapa châta pachôpa a châ.

BIESOZY 19:14

O nata sôh zy cha pawzy tawhta ryuto châ ta, Lapinô sopa deikua cha Abeipa tawhta a châ.

EZEKIA 34:2

“Chyhsa sawchapawpa y, Izarei mietaku vaituhpazy hnohta hrohsona bie phuah teh. Mietaku vaituhpazy hnohta hrohsona bie cha phuah tlai la, ama hnohta hetana heta reih teh. Abeipa Zehôvâh ta hetana heta a tah: Nâmosasyh â pasapa Izarei mietaku vaituhpazy nama hu a po kaw dia! Mietaku vaituhpazy cha mietakuzy ama pasa awpa châ vei ma?

HMOTAOPAZY 20:33

Ahy tâkâ, ngôh nata chysia hmah uahva beih va na.

1 KAWRINI 10:24

Chyhsa ta ano pha nawpa tlua leipa sala, mohropa pha nawpa tlao tlua mawh sy.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

1 KAWRINI 11:34

Namâ pakhyna cha thaileichâna a châ pathlei lei nawpa ta, ahy rai a nodi khiahta cha, o liata nie ha mawh sy. Hmo hropa kyhzy cha, ei vy tita ei pasia aw.

1 KAWRINI 16:5

Mâsidônia râh chahryh a chhuah na ta, Mâsidônia râh ei chahryh khai tawhta, nâmo ei cha vaw tly aw ei.

1 KAWRINI 4:19

Abeipa ta â ryh a tah khiahta cha, nâmo lâ a vy patoh aw na ta, a palai kawpazy chata khâpa biezy ma ama rei tahpa dei châ leipa ta, khâpa hmotaotheina ma ama hnei tahpa pahno ei chhuah aw.

1 KAWRINI 9:12

Mohropazy hmahta chyh awpa ama châ hnaw khiahta cha, keimo chhochhi cha châ hnaw via pachai awpa châ ma pi ma? Châhrasala keimo la, cha tovyuh cha a hnaw ma pi. Krista thâtihpha eima pakhâpadie lei nawpa ta, riethei to tlao eima tao lylia.

1 KAWRINI 9:18

Cha khiahta la, ei lymâ cha khâpa a châ aw? Thâtihpha ei chhopa vâta tovyuh ei hnaw theipazy a hnaw leipa ta, hlao leipa ta thâtihpha ei chho theipa he ei lymâ cha a châ.

1 KAWRINI 9:19

Ahy sei hmah châ vei hraw sah la, chyhsa hluhpi ei pahnie thei nawpa ta, keimasasyh ta chyhsa zydua sei ta ei tao.

2 KAWRINI 1:15

Cha kyh liata ei sia thlâh hapa vâta, ngiachhiena a lie no ta nama to thei nawpa ta, nâmo lâ a vy tua awpa ei chhuah.

2 KAWRINI 11:9

Nama hnohta y na ta, ei phahla nota ahy phaohri hmah châ beih va na. Mâsidônia râh tawhta a vypa unawhzy ta ei phahlanazy liata eina deichhy lymâ ei. Nama phao cha pahri lei awpa a chhuah na ta, cha hawhta ei tao lymâ aw.

2 KAWRINI 12:13

Khâpa kyh liata ma Awnanopa hropazy hlâta nama nawh via? Nama phao ei cha pahri leipa ei liata ma? Ei tao pado leipa khiahta cha, nâ ngiahthai teh u.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

PHILIPI 4:17

Hmopiepa a tluapa châ leipa na ta, nama lymâ a papôh awpa theilâpa a tluapa tlao ei châ.

1 THYSALAWNIKA 2:11

Paw ta a sawzy chô liata a taopa hawhta, nama chô liata eima taopa kha nama pahno.

1 THYSALAWNIKA 2:8

Eima pasôpa nata kho ngaitapa nama vaw châ hapa vâta, Khazohpa thâtihpha dei châ leipa ta, eima hrona chhao taih cha pie awpa ta eimâ mâ thlâh hapa kha.