2 KAWRINI 11:9 - Mara Bible RV (BSI)

⁹ Nama hnohta y na ta, ei phahla nota ahy phaohri hmah châ beih va na. Mâsidônia râh tawhta a vypa unawhzy ta ei phahlanazy liata eina deichhy lymâ ei. Nama phao cha pahri lei awpa a chhuah na ta, cha hawhta ei tao lymâ aw.

2 KAWRINI 11:9 ပူးပေါင်းရင်းမြစ်များ

NEHEMIAH 5:15

Kei hlâta a vaw y tuapa râhvaotuhpazy khata zawpi chô liata phaohri thata pavi ei ta, noh chareih ta ama nie awpa pati nata kresawhti hleikhô ta, tâkâ sekel sypalih ama pacheisa tyh. Ama chakaotuhpazy taihta zawpi chô liata amâ pabeisa ngaita. Kei deikua cha, Khazohpa ei chipa vâta, cha hawhta tao va na.

HMOTAOPAZY 18:3

Pawla nata Akuilâ chhôhkha he poh o a taopa châ chyu ei ta, ama raihria â lyupa vâta, Pawla cha Akuilâ nata Priskilâ o liata tlô ta, rai a hriakhei tyh ei.

HMOTAOPAZY 18:5

Mâsidônia tawhta Sila nata Timawthy ama vaw tlô nahta, Pawla cha biechho chakaona liata a hmâh hluh via ta, Zisu kha Mesia a châ tahpa ta Zuzy hnohta â châhkhei tyh.

HMOTAOPAZY 20:33

Ahy tâkâ, ngôh nata chysia hmah uahva beih va na.

RAWMA 15:26

Mâsidônia nata Akai râhzy ta, a ly kawpa ta Zerusale liata mopathaihpa dyhchhiepazy châta thyupakhy ei ta.

1 KAWRINI 16:17

Stiphanasâ, Fawtunatâ nata Akaikâ zy amâ vypa he ei ly kaw. Nama y leipa chhao a hno leipa ta eina tao ei.

2 KAWRINI 6:4

Khazohpa chakaotuhpazy eima châpa hawhta, kyh to liata chyhsa modypa ta eima y. Thata pasa taona liata zy, riethei taona liata zy, rairuna liata zy, pachârôhna liata zy;

2 KAWRINI 9:12

Cha deichhy chakaona raihria cha, mopathaihpazy phahlana pazaona dei châ leipa ta, Khazohpa lâta alyna biereina hluhpi a paysatuhpa a châ hra.

PHILIPI 2:25

Ei ngiahnazy liata na chakao awpa ta kei lâta nama vaw tuapa, ei unawhpa nata ei hrialâhpa nata pheisaih ei châlâhpa Epâpharôditâ he, nâmo lâ vaw pasiesa bâ awpa a byuhpa ta ei pahno.

1 THYSALAWNIKA 2:6

Krista lyuhchâpa eima châna tawhta palyupalihna a hnaw theipa châ hra sih la, nâmo tawhta tlyma, mohropazy tawhta tlyma, chyhsapa palyupalihna tlua beih ma pi.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

HEBRAI 11:37

Alô ta vawhpa châ ei ta, thoâna ta taipachhôpa châ ei ta, reipasaona a tyh ei ta, zaozi ta chhawhsaopa ama châ. Mietaku vo nata mie vo zy a bupa ta viavi ei ta, dyhchhiena, pasataona nata â doleipa ta ama chô liata hmotaopazy amâ tyh.