2 KAWRINI 11:7 - Mara Bible RV (BSI)

⁷ Thâtihpha a saipa ta cha chho ei na ta, palyupalihpa ta nama y thei nawpa ta, keimasasyh ta ei panawhpa cha, moleina hmo a taopa ei châ rai ma?

2 KAWRINI 11:7 ပူးပေါင်းရင်းမြစ်များ

HMOTAOPAZY 20:33

Ahy tâkâ, ngôh nata chysia hmah uahva beih va na.

HMOTAOPAZY 20:34

He ei kuzy heta kei nata ei hnohta a ypazy a ngiahpa châta ei hria tyhpa nâmo tlai ta nama pahno.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

1 KAWRINI 9:12

Mohropazy hmahta chyh awpa ama châ hnaw khiahta cha, keimo chhochhi cha châ hnaw via pachai awpa châ ma pi ma? Châhrasala keimo la, cha tovyuh cha a hnaw ma pi. Krista thâtihpha eima pakhâpadie lei nawpa ta, riethei to tlao eima tao lylia.

1 KAWRINI 9:6

Bânabâ nata kei dei he ma, eima khihsatôhtuna châta raihria leipa ta y thei awpa ta biehneina a hnei leipa a châ pi?

2 KAWRINI 10:1

Kei, Pawla ta Krista nôphana nata nônaina ta ei châ haw ei. Nama hnohta ei y nota a reisi kaw tyh na ta, ei sie tawhta deikua cha, nama chô liata ei riah a pha kaw tyh.

2 KAWRINI 10:16

Chatanachata mohropa chakaona su liata raihria chiehpa a palaikhei leipa ta, nama khô lâ râhzy liata thâtihpha eima chho thei aw.

2 KAWRINI 12:13

Khâpa kyh liata ma Awnanopa hropazy hlâta nama nawh via? Nama phao ei cha pahri leipa ei liata ma? Ei tao pado leipa khiahta cha, nâ ngiahthai teh u.

2 KAWRINI 2:12

Krista thâtihpha chho awpa ta Tarôsa khih ei vaw tlô nona kha, Abeipa ta ochhi na pahypa ta.

1 THYSALAWNIKA 2:9

Unawh saih u, eima hriapasazie nata eima rietheizie zy kha namâ thei aw. Khazohpa thâtihpha eima cha chho nona kha, ahy phaohri hmah eima châ lei nawpa ta, chhô nah zâ ta eima hria tyh.

2 THYSALAWNIKA 3:8

Ahy viahchhâ hmah a saipa ta nie beih leipa pi ta, ahy phaohri hmah eima châ lei nawpa ta, chhô nah zâ ta hria pi ta, riethei taopa nata hriapasapa ta eima y tyh.