2 KAWRINI 11:26 - Mara Bible RV (BSI)

²⁶ Ei hluhpi ei khitlynazy liata, chavahzy liata chichhihna, hraotuhpazy liata chichhihna, ei chiheihzy liata chichhihna, Zenitaizy liata chichhihna, khihpi liata chichhihna, khitaw liata chichhihna, tilaipi liata chichhihna nata unawh pakheipazy liata chichhihnazy ei tyh tyh.

2 KAWRINI 11:26 ပူးပေါင်းရင်းမြစ်များ

HMOTAOPAZY 13:45

Zuzy ta zawpizy cha ama hmô nahta, hiatliana ta bie ei ta, Pawla bie reipa cha chakhiapa ta, reipachhie ei ta.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 14:19

Antiôkâ nata Ikônia tawhta Zuzy vaw tlô ei ta, zawpizy cha pasyu ei ta, Pawla cha alô ta vawh ei ta, a thi hapa ta ama pangiasa vâta khihpi khôtho lâ a daophi ei ta.

HMOTAOPAZY 14:5

Zenitaizy, Zuzy nata ama ryureituhpazy ta lyuhchâpazy cha taochhiepa ta alô ta vaw a chhuah ei ta.

HMOTAOPAZY 15:40

Pawla deikua cha Sila a tlyh ta, unawhzy ta Abeipa ngiachhiena liata ama pavaosa khai nahta sie ei ta.

HMOTAOPAZY 17:13

Thysalawnika liata Zuzy ta Pawla cha Beria lia chhao ta Khazohpa bie a chho tahpa ama thei nahta, cha lâ chhao cha vawh ei ta, zawpizy hnapaona bie reipa ta pasyu ei ta.

HMOTAOPAZY 17:5

Zuzy deikua cha ama hiatlia ta, sôhdaohna su liata moleipa thathipazy pakhy ei ta, zawpi pahmaohpa ta khihpi zydua patypamâ ei ta. Lyuhchâpazy cha zawpi lâ a chhi a chhuahpa ta, Zasaw o liata a ngiahnao ei ta.

HMOTAOPAZY 18:12

Kâliô cha Akai râhvaotuhpa a châ nota, Zuzy cha a paraohpa ta Pawla tei ei ta, ryureina hmiakô lâ a chhi ei ta.

HMOTAOPAZY 19:1

Apawlôsâ Kawrini liata a y chhôh ta Pawla cha tlâh râh chahryh ta, Ephesi tlô ta. Cha liata pachupa thokhazy hmô ta.

HMOTAOPAZY 19:23

Cha daihti liata, Lâpi zyhna kyh vâta atymâna lai ngaitapa pua ta.

HMOTAOPAZY 20:19

Areisina chôta Abeipa chakao na ta, Zuzy ta eina teipa vâ ei ta mothlih chhaota nata rietheina chôta ei chakao tyh.

HMOTAOPAZY 20:3

Cha liata thla thôh a y tawhta Suria râh lâ balyh ta sie a chhuah ta, châhrasala Zuzy ta thie amâ chhuahpa vâta Mâsidônia râh lâ kua awpa ta tlao a chhuah ha ta.

HMOTAOPAZY 23:10

Thachahra hmâna taihta amâ eichhia via rilipa vâta, pheisaih hyutuhpa cha Pawla ama hriechheih awpa chi ta. Pheisaihzy tuah ta, pheisaih thatlôna hmâpa ta, ama hry tawhta pheisaih su lâ a kaw chhi awpa ta biepie ta.

HMOTAOPAZY 25:3

Pawla cha Zerusale lâ a vaw chhi awpa ta a khokheina a haw ei ta. Lâpi liata a byh ta, thie amâ chhuahpa vâta cha hawhta ama hiapa a châ.

HMOTAOPAZY 27:42

Pheisaihzy ta atâhpazy cha, ti a zawpa ta amâ râ pathlei aw tahpa chipa ta thie a chhuah ei ta.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

RAWMA 8:35

Krista kyhpachâna tawhta ahy miah pachhaih thei aw? Rietheina ta tlyma, pachârôhna ta tlyma, taolana ta tlyma, chakâhna ta tlyma, thluahruana ta tlyma, chichhihna ta tlyma, zaozi ta tlyma miah a pachhaih aw ma?

1 KAWRINI 15:30

Khâpa vâta ma keimo chhao he dawh tato ta hro chichhihpa ta eima y tyh?

1 KAWRINI 15:32

Chyhsapa lâ tawhta reipa ta la, Ephesi khih liata sahrâhpazy nata eimâ tupa kha, ei châta khâpa a phahnai aw? Athihpazy pathyupa ama châ vei khiahta cha, “Mylâ thi tlôh aw pi ta, Chavâta nie sih la, doh suh u.”

2 KAWRINI 11:32

Dâmaskâ khih liata deikua cha, Bei Aretâ ry liata ryureituhpa ta na patu awpa ta Dâmaskâ khihpi cha pavaisa ta,

KALATIA 2:4

Krista Zisu liata khotalaina eima hneipa mohparu awpa ta, unawh pakheipazy arulâta eima hry liata a vaw ngia ei ta, seichâna lâ miah a chhi awpa amâ chhuahpa vâta, chopawtaina kyh he a vaw ypa a châ.