2 KAWRINI 11:25 - Mara Bible RV (BSI)

²⁵ Ei thôh sôsi ta chheipa châ na ta, ei kha alô ta vawhpa ei châ. Ei thôh balyh raona a tyh na ta, zâ kha nata noh kha tilaipi liata phao pahaipa ta ei y.

2 KAWRINI 11:25 ပူးပေါင်းရင်းမြစ်များ

MATHAI 20:19

Pasipasawh awpa nata chhei awpa nata khaipâ awpa ta Zenitaizy ku liata hlâpa châ aw ta, a noh thôhna noh ta pathyupa ta a y aw,” tah ta.

MATHAI 21:35

Thlyuhlaotuhpazy ta a chakaotuhpazy cha vaw patu ei ta, pakha tu ei ta, pakha thie ei ta, pakha alô ta vawh ei ta.

HMOTAOPAZY 14:19

Antiôkâ nata Ikônia tawhta Zuzy vaw tlô ei ta, zawpizy cha pasyu ei ta, Pawla cha alô ta vawh ei ta, a thi hapa ta ama pangiasa vâta khihpi khôtho lâ a daophi ei ta.

HMOTAOPAZY 14:5

Zenitaizy, Zuzy nata ama ryureituhpazy ta lyuhchâpazy cha taochhiepa ta alô ta vaw a chhuah ei ta.

HMOTAOPAZY 16:33

Zâcho ta âmo cha a chhi ta, ama chheina hmahzy cha pasi ta, ano nata a chhôhkhazy cha bâti châ ha ei ta.

HMOTAOPAZY 16:37

Châhrasala Pawla ta pheisaihzy hnohta, “Rawma chyhsa châ pi ta, thailei a châpa chhao châ leipa pi ta, vâtlâh mohmô ta miah chhei ei ta, patâhna o liata miah khô ei ta, tahmâ arulâta papua awpa zua miah amâ chhuah mâ? Châ bao va! Âmo tlai ta a vy ei sala, miah vaw papua mawh ei sy,” tah ta.

HMOTAOPAZY 22:24

Pawla cha pheisaih su lâ a chhi awpa ta, pheisaih hyutuhpa ta biepie ta. Cha tlupo ta ama awh chiena chhâpa pahno awpa ta, Pawla cha chhei ta, hiahri pasia awpa a chhuah ta.

1 TIMAWTHY 1:19

Ngiapâna nata chhie nata pha pahnona pathaihpa khâchâ patu mah y. Chyhsa thokha ta chazy cha dytha ei ta, balyh raopa hawhta, amâ ngiapâna ama parao haw.

HEBRAI 11:37

Alô ta vawhpa châ ei ta, thoâna ta taipachhôpa châ ei ta, reipasaona a tyh ei ta, zaozi ta chhawhsaopa ama châ. Mietaku vo nata mie vo zy a bupa ta viavi ei ta, dyhchhiena, pasataona nata â doleipa ta ama chô liata hmotaopazy amâ tyh.