2 KAWRINI 11:22 - Mara Bible RV (BSI)

²² Hebrai chyhsa ama châ ma? Kei chhao ei châ. Izarei chyhsa ama châ ma? Kei chhao ei châ. Abarahâ pathla ama châ ma? Kei chhao ei châ.

2 KAWRINI 11:22 ပူးပေါင်းရင်းမြစ်များ

2 THÂTIHZYRONA 20:7

Hy eima Khazohpa y, he râh liata a pahrâpazy he, na phopi Izarei hmiakô liata papua chi ta, râh cha na viasa Abarahâ pathlazy hnohta chhâzaw châta na piepa châ vei ma?

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

PUASAINA 3:18

Chatanachata na bie ama nathlie aw. Nâ nata Izarei machâzy Izi bei lâ vawh aw ei chi ta, a hnohta, ‘Zehôvâh, Hebraizy Khazohpa ta miah vaw tly ta, chavâta noh thôh lâsie râhchawhpa liata Zehôvâh eima Khazohpa lâta atheihna eima hlâ thei nawpa ta, ngiachhiepa ta miah pasiesa mah y,’ nama tah aw.

PUASAINA 5:3

Âmo ta, “Hebraizy Khazohpa ta miah za tly ha ta, chavâta Khazohpa lâ eimâ theih thei nawpa ta, ngiachhiepa ta noh thôh lâsie râhchawhpa lâ miah pasiesa mah y. Chataleipatala potlana ta tlyma, zaozi ta tlyma, miah a hrie pathlei aw,” tah ei ta.

PUASAINA 7:16

Chatawhcha a hnohta, ‘Zehôvâh, Hebraizy Khazohpa ta, he bie he cha chho awpa ta nâ lâta eina vaw tuah: “Râhchawhpa liata eina chakao thei nawpa ei ta, ei phopi pasiesa teh,” cha tah na ta. Châhrasala tahmâ taihta nathlie khoh va chi.

PUASAINA 9:1

Abeipa ta Mawsi hnohta, “Phiraoh lâ vawh la, a hnohta, ‘Zehôvâh, Hebraizy Khazohpa ta hetana heta a tah: Eina chakao thei nawpa ei ta, ei phopi pasiesa teh.

PUASAINA 9:13

Abeipa ta Mawsi hnohta, “Mydi kari ta thyu la, Phiraoh hmiakô liata a kei duah la, a hnohta, ‘Zehôvâh, Hebraizy Khazohpa ta hetana heta a tah: Eina chakao thei nawpa ei ta, ei phopi pasiesa teh.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

HMOTAOPAZY 22:3

“Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

HMOTAOPAZY 6:1

Cha nohzy liata, pachupazy ama pôh via lymâ nahta, noh chareih ama hmo raipa liata ama nôhmeizy ama pachâ tyh leipa vâta, Krikâh Zuzy cha Hebraizy chô liata paphôh ei ta.

RAWMA 11:1

Cha khiahta la, hiahrina ei tao. Khazohpa ta ano phopi cha a thy aw ma? Thy bao va! Kei chhao he Izarei chyhsa, Abarahâ pathla, Benzami chi ei châ.

RAWMA 9:4

Izarei chyhsa châ ei ta, saw châna, rônahna, biehrai, ryhpa piena, achhyna nata bietai zy âmo eih a châ.

KALATIA 3:16

Bietaizy cha Abarahâ nata a chipathla hnohta taopa a châ. “Chipathlazy hnohta,” tahpa ta chyhsa hluhpi hnohta bie hraipa châ leipa ta, “Na chipathla hnohta,” tahpa ta mopakha a nuapa ta biehraipa châ ta, cha cha Krista a châ.

PHILIPI 3:5

Noh chariena noh ta chopawtaipa, Izarei phopi pathla, Benzami chi, Hebraizy hry liata Hebrai pachaipa ei châ. Ryhpa kyh liata Phârisaih châ na ta,