2 KAWRINI 11:20 - Mara Bible RV (BSI)

²⁰ Chyhsa ta sei ta cha tao ei sala, cha nie khai ha ei sala, cha tlybai ei sala, âmo hmia a pasah ei sala, nama hmia liata cha chabaih ei sala, nâmo la nama chhyh thei.

2 KAWRINI 11:20 ပူးပေါင်းရင်းမြစ်များ

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

CHAPHÔHTUNA 3:30

A baih a chabaihtuhpa châta a baih dao sala, Reipachhiena ta bie mawh sy.

MÂKA 12:40

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

LUKA 6:29

Na baih hiakha lâ châ chabaihpa cha, hiakha lâ chhao dao la, na poh châ chhupa chhao, na viahkao pasipa a la awpa thlyu khah y.

1 KAWRINI 4:11

Tahmâ taih chhao heta nodipa ta eima dâhphi ta, chysia miah vao leipa ta, taochhiepa ta y pi ta, o chhao hnei ma pi.

2 KAWRINI 1:24

Namâ ngiapâna chô liata biehnei a chhuah leipa pi ta, namâ ngiapâna liata â ipa ta namâ duapa vâta, namâ ly nawpa ta eima cha hrialâhpa tlao a châ.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

2 KAWRINI 12:16

Nama phao ei cha pahri leipa kyh liata, chyhsa pasi nawpa tluapa ta, piehpiena ta hmo a taopa hawhta eina pachâ ei chi.

KALATIA 2:4

Krista Zisu liata khotalaina eima hneipa mohparu awpa ta, unawh pakheipazy arulâta eima hry liata a vaw ngia ei ta, seichâna lâ miah a chhi awpa amâ chhuahpa vâta, chopawtaina kyh he a vaw ypa a châ.

KALATIA 4:25

Hâkarâ cha Arabia râh liata Sinai Tlâh châ ta, a sawzy chhaota sei ta a ypa ama châpa vâta, tahmâno ta Zerusale vyuhpa ta a duahpa a châ.

KALATIA 4:3

Cha hawhna chata keimo chhao, hawti eima châ nota cha, khizaw ryhpa ry liata sei ta eima y.

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

KALATIA 5:1

Khotalaipa ta y awpa ta Krista ta miah papua ha ta, chavâta â ipa ta a duah u la, sei raopaky a ky heih awpa ta a pasaih khao khuh vy.

KALATIA 5:10

Saizie nanopa a pyh aw veih ei chi tahpa Abeipa liata ei lôh. Châ patypamâtuhpa cha, ahy rai châ sala, hriena â tyh aw.

KALATIA 6:12

Sapa hmia pha châ khohpazy ta chopaw pataisa raruah ama châ chhuah tyh. Khâpa vâta hmah châ vei, Krista kraws vâta taola ama tao lei nawpa ta a taopa deita ama châ.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

1 THYSALAWNIKA 2:5

Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.