2 KAWRINI 10:8 - Mara Bible RV (BSI)

⁸ Nama rao nawpa châ leipa ta, nâmo taopathi nawpa ta Abeipa ta biehneina eina piepa he ei palaikhei pathlei hapa chhao ta, ei noza aw vei.

2 KAWRINI 10:8 ပူးပေါင်းရင်းမြစ်များ

2 KAWRINI 1:24

Namâ ngiapâna chô liata biehnei a chhuah leipa pi ta, namâ ngiapâna liata â ipa ta namâ duapa vâta, namâ ly nawpa ta eima cha hrialâhpa tlao a châ.

2 KAWRINI 10:4

Eima chariah chhaichhizy cha khizaw chariah chhaichhizy châ leipa ei ta, thokhy a i ngaitapazy parao nawpa ta Khazohpa hmotaotheina a châ.

2 KAWRINI 10:9

Ei châpaphaopazy ta nâmo pachhiparypa hawhta a lâ awpa khoh va na.

2 KAWRINI 12:19

Eima thaichâna bie eima cha rei thlupa hawhta ma nama pachâ? Kho ngaitapa saih u, nâmo taopathi nawpa ta Khazohpa mohmô ta Krista liata bie eima reipa a châ.

2 KAWRINI 12:6

Keimasasyh a palaikhei khohpa rai châ aw sah la, biehmeiseihpa a reihpa ei châ awpa vâta, ahrupa châ aw va na. Châhrasala chyhsazy ta ei taopa nata ei reipa hlâta rônah viapa ta eina pachâ pathlei lei nawpa ei ta, keimasasyh a palaikhei lei awpa ei chhuah.

2 KAWRINI 13:10

Cha vâna chata nama hnohta ei y vei nota, he biezy he ei ropa a châ. Chatanachata ei vy tita, Abeipa ta biehneina eina piepa ei hmâna kyh liata, pasa kawpa ta hmâh leipa ta ei y thei aw. Parao nawpa châta châ leipa ta, padua nawpa châta Abeipa ta biehneina eina pie.

2 KAWRINI 13:8

Biehmeiseihpa a dyuhpa ta khâpa hmah tao thei ma pi. Biehmeiseihpa châ deita ta hmo to eima tao tyh.

2 KAWRINI 7:14

Ei châ palaikheina ei a hnohta reih tyh na ta, maophyuhpa ta y va na. Nama hnohta bie eima rei tyhpa zydua kha, biedopa a châpa hawhta, Titu hmiakô liata nâmo eima châ palaikheina chhao kha biedopa a châ.

2 KAWRINI 7:4

Nâmo hnohta la, riahpha kawpa ta bie ei reih ngâh. Châ palaikhei ngaita ei na ta, thlalôhna ta ei bie. Eima riethei taona zydua liata alyna ta ei khô pathlah.

KALATIA 1:1

Kei, lyuhchâpa Pawla, chyhsa tuapa châ leipa ta, chyhsa zawhzi ta châ hra leipa ta, Zisu Krista nata thina tawhta Zisu a pathyutuhpa Paw Khazohpa zawhzi ta lyuhchâpa rai a hriapa nata

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.