2 KAWRINI 10:7 - Mara Bible RV (BSI)

⁷ Nama mohmô liata a ypazy kha moh tua u. Ahy rai Krista eih a châpa â lôh khiahta cha, ano Krista eih a châpa hawhta, keimo chhao Krista eih eima châzie pahno chanei heih mawh sy.

2 KAWRINI 10:7 ပူးပေါင်းရင်းမြစ်များ

MATHAI 23:5

Ama hmotaopa zydua chyhsa hmô awpa ta ama tao tyh. Ama ku liata amâ kypa nata ama khiriena zy paphia ei ta, ama poh pai pasisa ei ta,

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

ZAWHÂNA 7:24

Chôpho lâ alânazie ta pachia leipa u la, pachiana dopa ta pachia teh u,” tah ta.

1 KAWRINI 1:12

Ei rei khohpa cha he he a châ. Pakha ta, “Kei Pawla py ei châ,” tah ta, pakha ta, “Kei Apawlôsâ py ei châ,” tah ta, mohropa ta “Kei Kephâ py ei châ,” tah ta, mohropa heih ta, “Kei Krista py ei châ,” nama tah.

1 KAWRINI 14:37

Chyhsa ta hrohsopa hawhta tlyma, thlahpa chyhsa hawhta tlyma, â pachâ khiahta cha, nama hnohta bie ei ropazy he Abeipa biepiepa a châ tahpa pahno mawh sy.

1 KAWRINI 15:23

Châhrasala ama daihti chyu liata a châ aw. Krista cha thyuheihna hmia a sahtuhpa châ ta, â vy heihna liata Krista eihzy pathyupa ama châ aw.

1 KAWRINI 3:23

Krista eih châ ei chi ta, Krista cha Khazohpa eih a châ.

1 KAWRINI 9:1

Khotalaipa châ va na mâ? Lyuhchâpa châ va na mâ? Eima Beipa Zisu hmô ha va na mâ? Nâmo cha Abeipa liata ei raihria theilâpa châ veih ei chi mâ?

2 KAWRINI 10:1

Kei, Pawla ta Krista nôphana nata nônaina ta ei châ haw ei. Nama hnohta ei y nota a reisi kaw tyh na ta, ei sie tawhta deikua cha, nama chô liata ei riah a pha kaw tyh.

2 KAWRINI 11:18

Chyhsa hluhpi ta ama sapa lâ kyh amâ palaikhei kawpa vâta, kei chhao ei vaw palaikhei hra tua aw.

2 KAWRINI 11:23

Krista chakaotuhpazy ama châ ma? Âmo hlâta ei châ via. Ahrupa bie rei ta reih aw sah la, âmo hlâta hriapasa via syulyu na ta, patâh hluh viapa châ na ta, a ei rei tiah lei ta chhei hluh viapa châ na ta, thi theina duahmo chhao ei tyh hluh via syulyu.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

2 KAWRINI 13:3

Keima hmâpa ta Krista ta bie a reih ma tahpa pasiana nama tluapa cha nama hmô aw. Ano cha nama chô liata hmotaona kyh liata chiehleipa châ vei. Hmotaothei ngaitapa ta nama hry liata a ypa a châ.

2 KAWRINI 5:12

Nâmo liata eimâ rei papha heihpa châ vei. Palôh liata a ypa châ leipa ta, chôpho alâna a palaikheipazy a chhy nawpa nata keimo miah namâ palaikhei thei nawpa ta, daihti rypaohpa eima cha piepa a châ.

KALATIA 3:29

Krista eih nama châ khiahta cha, Abarahâ pathla châ ei chi ta, bietai hawhta ryutotuhpazy nama châ.

1 ZAWHÂNA 4:6

Keimo cha Khazohpa tawhtapa châ pi ta, Khazohpa a pahnopa maihta eima bie nathlie ei ta, Khazohpa tawhtapa a châ leipazy deikua cha, eima bie nathlie veih ei. Cha liana chata Thlahpa dopa nata thlahpa doleipa eima pahno.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.