2 KAWRINI 10:13 - Mara Bible RV (BSI)

¹³ Keimo la eima hriana su khô lâ a palaikhei aw ma pi. Khazohpa ta chakao nawpa su miah a piepa chhôh liata a ypa deita eimâ palaikhei aw. Nama hnohta thâtihpha cha chho awpa chhao he, Khazohpa ta miah a piepa a châ.

2 KAWRINI 10:13 ပူးပေါင်းရင်းမြစ်များ

HLAZY 19:4

Chatahrasala ama ao ta leilô zydua chahryh ta, Ama biezy khizaw kaokih taihta a pathâh. Noh châta avâzy liata poh o parai ta,

BIESOZY 25:14

Hmo a pie leipa tlai ta piepa hawhta â reihpa cha, Vâsua ti a hnei leipa meihdo nata thlih hawhta a châ.

ISAI 28:17

Adona cha thliena ri ta hmâh aw na ta, Siana cha thua bangiehpa padona ri ta ei hmâh aw. Pareih ta haipa bie achhaina cha phi pathlah aw ta, Tizy ta anyuna su a vao khai aw.”

MATHAI 25:15

Chakaotuhpa pakha hnohta talent miapangawh pie ta, ahropa hnohta miano pie ta, ahropa hnohta miakha a pie. Ama tao theipa rakha chyu ta pie ta, sie ha ta.

RAWMA 10:18

Cha khiahta la, thei ha veih ei ma? tahpa ta hiahrina tao aw sah la, thei cha ama thei haw. “Ama pyu râh to liata pathâh ta, Ama bie kaokih taihta a pathâh,” tahpa ta ropa a châ.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

RAWMA 12:6

Ngiachhiena piepa eima châpa lymâ hawhta, hmopiepa nanopa eima hnei chyu. Hrohsona bie rei awpa a châ khiahta cha, eimâ ngiapâna rakha lymâ hawhta reih sih la,

RAWMA 15:20

Cha hawhna chata, mohropa lôbô bô chiehpa liata o a sapa ei châ lei nawpa ta, Krista moh pado hana su liata cha thâtihpha chho lei awpa ei chhuah,

1 KAWRINI 12:11

Cha zydua cha Thlahpa pakha raihria châ ta, chyhsa to hnohta a khozie hawhta a rai chyu ei.

EPHESI 4:7

Châhrasala Krista ta hmosaipiepa a rainazie lymâ hawhta, ngiachhiena cha a saipa ta pie chyupa eima châ.

1 PITY 4:10

Chyhsa to hmopiepa to chyu ei chi ta, Khazohpa ngiachhiena nanopa nama topazy a châpa pahnopa ta, hmopiepa nama topazy cha a chakao raihrie nawpa châta hmâh teh u.