2 KAWRINI 10:10 - Mara Bible RV (BSI)

¹⁰ Thokha ta, “A châpaphaopazy a hri ta, a tha chhao tlô ta, a pôhpa deikua chiehleipa châ ta, a biereipa chhao khâpa hmah châ vei,” eina tah ei.

2 KAWRINI 10:10 ပူးပေါင်းရင်းမြစ်များ

PUASAINA 4:10

Châhrasala Mawsi ta Abeipa hnohta, “Hy ei Beipa, kei la pakah paleih thaipa châ leipa na ta, khahlâ tawhta nata châ chakaotuhpa hnohta bie na reih tawhna chhao heta, kahchôleiâpa nata reikah sôpa châ tlôh na ta,” tah ta.

ZEREMIAH 1:6

Kei ta, “Âh, Abeipa Zehôvâh, moh tua, hawtipa deita châ na ta, bie reizie chhao thai va na,” tah na ta.

1 KAWRINI 1:17

Krista ta bâti pachâsa awpa ta na tuah leipa ta, thâtihpha chho awpa ta tlao eina tuah. Chyhsapa sona bie ta chho va na, chataleipatala Krista kraws hmotaotheina cha hraoleipa ama pachâsa pathlei aw na.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

2 KAWRINI 10:1

Kei, Pawla ta Krista nôphana nata nônaina ta ei châ haw ei. Nama hnohta ei y nota a reisi kaw tyh na ta, ei sie tawhta deikua cha, nama chô liata ei riah a pha kaw tyh.

2 KAWRINI 10:11

Nama hnohta eima y vei nota châropa ta eima reipa cha, nama hnohta eima y nota eima hmotaopa a châzie, cha hawhpa chyhsa chata pahno mawh sy.

2 KAWRINI 10:9

Ei châpaphaopazy ta nâmo pachhiparypa hawhta a lâ awpa khoh va na.

2 KAWRINI 11:21

He kyh liata, keimo la eima chiehlei kaw, a phih va na, ei no chhao a za kaw. Châhrasala chyhsa ta â palaikhei ngâhpa maih cha, ahrupa bie rei ta reih aw sah la, kei chhao ta ei palaikhei ngâh hra.

2 KAWRINI 11:6

Bie reih thai vei hraw sah la, pahnona liata nawh hlei va na. Cha kyh cha hmo to nata kao to tawhta nama hnohta eima palâsa haw.

2 KAWRINI 13:3

Keima hmâpa ta Krista ta bie a reih ma tahpa pasiana nama tluapa cha nama hmô aw. Ano cha nama chô liata hmotaona kyh liata chiehleipa châ vei. Hmotaothei ngaitapa ta nama hry liata a ypa a châ.