2 KAWRINI 1:8 - Mara Bible RV (BSI)

⁸ Unawh saih u, Asia râh liata pasa eima taopa kyh kha nama pahno lei awpa khoh ma pi. Eima tao thei awpa hlâta a hri viapa ta miah vi ta, hro awpa chhao a ngâ khao ma pi.

2 KAWRINI 1:8 ပူးပေါင်းရင်းမြစ်များ

HMOTAOPAZY 16:6

Thlahpa Pathaihpa ta Asia râh liata bie chho awpa a pakhâ hapa vâta, Pharuzia nata Kalatia râhzy chahry ei ta.

HMOTAOPAZY 19:41

Cha biezy cha a rei khai nahta, ahmaohna cha pachhâsa ta.

HMOTAOPAZY 2:9

Pâthia mozy, Media mozy, Elâmi mozy, Mesôpôtamia râh liata a ypazy, Zudia râh liata a ypazy, Kâpadôkia râh liata a ypazy, Pawntu râh liata a ypazy, Asia râh liata a ypazy,

RAWMA 1:13

Unawh saih u, nâmo nata Zenitai hropazy hry liata theilâpa hmô awpa ta, cha vaw tly awpa ei a chhuah tyh na ta, châhrasala pakhâna a y chhyh hapa kyh nama pahno lei awpa khoh va na.

1 KAWRINI 15:32

Chyhsapa lâ tawhta reipa ta la, Ephesi khih liata sahrâhpazy nata eimâ tupa kha, ei châta khâpa a phahnai aw? Athihpazy pathyupa ama châ vei khiahta cha, “Mylâ thi tlôh aw pi ta, Chavâta nie sih la, doh suh u.”

1 KAWRINI 16:9

Chakaona hlaotloh nawpa ta ei châta ochhi kawh ngaitapa â pahy. Dyuhtuhpazy chhao ama hluh ngaita.

1 KAWRINI 4:8

Namâ ngiahpazy nama hnei khai haw! Nama vaw hneirôh haw! Keimo a hlao leipa ta beizy nama vaw châ haw! Beizy châ hmeiseih u la, keimo chhao nama hnohta a bei hra sih la ei tah kaw dia!

2 KAWRINI 1:9

Hmeiseihta la, thi awpa ta eimâ pachâ hapa a châ. Châhrasala keimo a ngâ leipa ta, athihpa pathyutuhpa Khazohpa eima ngâ thei nawpa ta, kha hmo kha a vaw ypa a châ.

2 KAWRINI 6:9

Pahno khi leipa ta pachâpa châ pi ta, châhrasala chyhsa to pahnopa eima châ. Thi awpa ta pachâpa châ pi ta, châhrasala moh tua u, eima hro thlâh ha hih. Hriepa châ pi ta, châhrasala thiepa châ ma pi.

1 SAMUELA 20:3

Dâvi ta bie a taih heih ta, Zawnathâ hnohta, “Eina ngiachhiezie chi he na paw ta pahnopasia ta, chavâta, ‘He hmo he la Zawnathâ ta pahno khah sy, chataleipatala a pachâ a rôh kaw aw na,’ a tahpa vâta a châ aw. Abeipa hrona nata nâma hrona reipa ta ei reih, hmeiseihta ta la, keima nata thina likawh he keih kha deita â hla bâ,” tah ta.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.