2 KAWRINI 1:4 - Mara Bible RV (BSI)

⁴ Ano cha eima riethei taona zydua liata thlah miah palôhtuhpa a châ. Chatanachata keimo chhao, Khazohpa ta thlah miah a palôhna cha hmâpa ta, rietheina kheihawhpa rai a taopazy thlah eima palôh thei hra aw.

2 KAWRINI 1:4 ပူးပေါင်းရင်းမြစ်များ

HLAZY 32:5

Ei moleina cha chho na ta, Ei paraona nyu leipa na ta; “Abeipa liata ei paraona ei palâhâh aw,” tah na ta, Ei molei paraona cha einâ ngiahthai ha chi. Selah

HLAZY 32:7

Nâ cha ei nyuna su châ chi ta, Nôpona tawhta na pabohsapa ta, Pachhana hlazy ta eina chadôsa chi. Selah

HLAZY 66:16

Nâmo, Khazohpa a chipa zydua saih u, A vy u la, nathlie teh u; Ei hro châta a hmotaopazy ei cha chho aw ei.

HLAZY 86:17

Hy Abeipa, na baopa ta, Thlah na palôh ha chi ta, Na khokheina ngiana na pahmô mah y; Nâ haotuhpazy ta hmô ei sala, Hmiachhiepa ta ama yna hâh ta.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 40:1

Thlah palôh u la, ei phopi cha thlah palôh teh u, Nama Khazohpa ta a tah.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

ZAWHÂNA 14:16

Paw lâ hiah aw na ta, chhâzaw ta nama hnohta y awpa ta, Thlapalôhtuh hropa a cha pie aw ei.

ZAWHÂNA 14:18

“Hârapa ta cha siesai aw veih ei na, nama hnohta ei vy heih aw.

ZAWHÂNA 14:26

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

2 KAWRINI 7:13

Chavâta thlalôhpa ta eima y. Keimo thlalôhpa dei châ vei. Nâmo vâta Titu thlahpa cha pathiehpa ta a ypa vâta, Titu alyna liata eimâ ly pachai.

2 KAWRINI 7:4

Nâmo hnohta la, riahpha kawpa ta bie ei reih ngâh. Châ palaikhei ngaita ei na ta, thlalôhna ta ei bie. Eima riethei taona zydua liata alyna ta ei khô pathlah.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.

1 THYSALAWNIKA 4:18

Chavâta cha biezy chata thlah a palôh raihrie teh u.

1 THYSALAWNIKA 5:11

Chavâta nama tao tyhpa hawhta, a pasyu raihrie u la, tha a patlô raihrie tyh muh vy.

HEBRAI 12:12

Chavâta nama bâh pathliahpazy chalo u la, nama pakhu thazeipazy thapatlô teh u.