2 KAWRINI 1:23 - Mara Bible RV (BSI)

²³ Nâ pahnokheituhpa châta Khazohpa ei aw. Nâmo cha patypamâ awpa ei khoh leipa vâta Kawrini khih lâ kha ei vy leipa a châ.

2 KAWRINI 1:23 ပူးပေါင်းရင်းမြစ်များ

HMOTAOPAZY 18:1

Cha hmozy hnôhlâ ta, Pawla cha Atheni tawhta pua ta, Kawrini lâ sie ta.

HMOTAOPAZY 18:8

Pakhyna o hyutuhpa Krispâ nata a chhôhkha zydua cha Abeipa a ngiapâ ha ei ta. Kawrini mo hluhpi chhao ta, Pawla biereipa ama thei nahta, a ngiapâpa ta, bâti châ ei ta.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 9:1

Krista liata biehmeiseihpa ei reih, haih va na. Ei chhie nata pha pahnona ta Thlahpa Pathaihpa liata eina pahnokhei.

1 KAWRINI 4:21

Khâpa nama khoh via? Sôsi chhaota nâmo lâ a vy awpa ma, kyhpachâna nata zawngiahna palôh chhaota a vy awpa maw?

1 KAWRINI 5:5

Cha chyhsa cha, Abeipa Noh liata a thlahpa pachhapa a châ nawpa ta, a sapa cha pahleipadia awpa ta Sâtâ hnohta pie muh vy.

2 KAWRINI 1:1

Pawla, Khazohpa khozie ta Krista Zisu lyuhchâpa nata eima unawhpa Timawthy ta Kawrini khih liata Khazohpa Awnanopa nata Akai râh liata mopathaihpazy eima châ naoh.

2 KAWRINI 1:18

Khazohpa ngâ â chhihpa hawhta, nâmo lâta eima bie chhao, a châh ta “A châ” tah ta, a châh ta “Châ vei” tahpa hawhpa châ vei.

2 KAWRINI 10:2

Ei vy tita, he khizaw hrozie ta a hrohpa hawhta miah a pachâpa thokhazy chô liata riahpha awpa hawhta ei riah a pha thei awpa ei pangiasa leipa vâta, eina pachâ thai awpa ei chi ta ei châ haw ei.

2 KAWRINI 11:10

Krista biehmeihseihpa keima liata a ypa hawhta, cha ei palaikheina cha Akai râh liata ahy hmahta chalihsa thei aw veih ei.

2 KAWRINI 11:11

Khâpa vâta maw? Kyh ei cha pachâ leipa vâ ei ta ma? Khazohpa ta a pahno!

2 KAWRINI 11:31

Abeipa Zisu Krista châta Khazohpa nata Paw a châpa, chhâzaw ta reithaipa Khazohpa ta haipa bie ei rei leizie a pahno.

2 KAWRINI 12:20

Ei vy tita, ei pachâpa hawhta ei cha hmô lei awpa ei chi na ta, nâmo chhao ta nama pachâpa hawhta eina hmô lei awpa ei chi ei ngiaroh kaw. Ahryuna, hiatliana, hiehâhna, akhakhaina, areipachhiena, kyh reina, apasâhsana nata tymâna zy a y pathlei aw tahpa ei chi kaw.

2 KAWRINI 13:10

Cha vâna chata nama hnohta ei y vei nota, he biezy he ei ropa a châ. Chatanachata ei vy tita, Abeipa ta biehneina eina piepa ei hmâna kyh liata, pasa kawpa ta hmâh leipa ta ei y thei aw. Parao nawpa châta châ leipa ta, padua nawpa châta Abeipa ta biehneina eina pie.

2 KAWRINI 13:2

Nâmo lâ ei vy ei nona liana khata zikyu ei châ râ ha ei. Tahmâ ei vy hlâta zikyu ei châ râ chanei ei. Ei vy heih tita, kha hlâta moleina a vaw taopazy nata mohropazy pahlôh aw veih ei na.

2 KAWRINI 6:6

hro pathaihna liata zy, pahnona liata zy, daotheina liata zy, nôphana liata zy, Thlahpa Pathaihpa liata zy, kyhpachâna hmeiseihpa liata zy;

KALATIA 1:20

Châ ei cha vaw paphaopa ei he haipa bie châ vei tahpa Khazohpa hmiakô liata bie ei taih.

PHILIPI 1:8

Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

1 THYSALAWNIKA 2:5

Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.

1 TIMAWTHY 1:20

Chazy hry liata Humenia nata Alezandâ a hlao ei ta, Khazohpa reipachhiepa a peizie amâ chu thei nawpa ta, Sâtâ hnohta ei hlâ ha ei.